زوجة عصام صاصا: جوزي مش بيدوس الناس بفلوسه ومش هسمح بكلمة غلط تتقال عليه

لازالت البلوجر جهاد، زوجة مطرب المهرجانات الشعبية عصام صاصا تدافع عنه في قضية دهسه لأحد الأشخاص على الطريق الدائري، وذلك بعد القبض عليه مرة أخرى بسبب ظهور أدلة جديدة في القضية رغم خروجه بكفالة.

زوجة عصام صاصا تدافع عنه 

ونشرت زوجة عصام صاصا في ستوري على حسابها الرسمي بموقع تبادل الصور والفيديوهات انستجرام ورصدها موقع تحيا مصر اعترافات سائق كان شاهد على الحادث وقت حدوثه، حيث أشار أنه هو من كاد يصطدم بالشخص المتوفى لكنه تفاداه وليصطدم به عصام صاصا على غفلة يسبب انعدام الرؤية.

وقالت زوجة عصام صاصا معلقة على تلك الواقعة، بإن الإعلام استغلت أسرة المتوفى واجبرته على الحديث على الواقعة رغم أنهم لم يتواجدوا خلال الحادث وهم من أشاروا إلى أن عصام صاصا دهش شقيقهم أثناء تواجده على الرصيف وهذا أمر غير صحيح.

زوجة عصام صاصا: هطلع النهاردة ادافع عن جوزي

واضافت زوجة عصام صاصا: النهاردة هطلع ادافع عن جوزي وهجيب معايا شهود من الحادثة يتكلموا لأن الظلم حرام.. انا جوزي مش بيدوس على الناس بفلوسه واللي بتقولوا عليه سواق توكتوك جابها من الصفر ومش هسمح لأي كلمة تتقال عليه تاني.

وسبق وقالت جهاد في وقت سابق: عصام مخدش 7 سنين ومفيش حكم اصلا، بتقولوا عصام كان شارب ومعرفش اي ولحد دلوقت نتيجة مظهرتش مكتوب فيها، حاسة ان شوية وهطلعوه إرهابي وسارق فلوس الناس ولا علشان احنا مش بنرد، فا أنتوا بتظيطوا يالا نقول اي كلام مهو محدش هيطلع يكذبنا... متقلقوش هانت كل واحد عمل فيلم من دماغه ميرجعش يزعل الحساب يجمع.

زوجة عصام صاصا: متحكمش عليه ومعانا شهود ان الحادثة قتل خطأ

عنبة لأسرة ضحية حادث عصام صاصا: عارف أن فلوس الدنيا مش هتعوضكوا ابنكم

زوجة عصام صاصا: معانا كل الإثباتات أن الحادث قتل خطأ

واكدت زوجة عصام صاصا: معانا كل الإثباتات أن الحادثة قتل خطئ وفي شهود للحادثة، بس جوزي تعبان كل ما ييجي يتكلم مع حد يفتكر موقف ينعار ويعيط مش لازم بقى يطلع شوفوا يجماعة أنا مكسور ازاي، شفوني وانا مدمر، عيب عيب اللي بتعملوه ربنا نا يحطكم في اللي هو فيه.

وجدير بالذكر، أنه كان قد أصدر قرار بضبط وإحضار مطرب المهرجانات الشعبية عصام صاصا مرة أخرى بعد خروجه من القسم بكفالة مالية قدرها 30 ألف جنيها، حيث اكتشف بأنه كان متعاطيا للمخدرات أثناء عودته من حفله الأخير ودهسه لأحد الأشخاص على الطريق الدائري، ولازال التحقيق في تلك القضية قائمة.