مروان موسى: بحب اسمع من القديم عمرو دياب ومحمد منير وموافقش اتشتم عشان مشاهدات

حل الرابر مروان موسى ضيف على برنامج ع المسرح والذي تقدمه الإعلامية منى عبد الوهاب على شاشة قنوات الحياة وعدد من القنوات القضائية الاخرى، وصرح به العديد من التصريحات الخاصة بحياته الفنية والشخصية ويرصدها موقع تحيا مصر في التقرير الآتي.

تصريحات مروان موسى مع منى عبد الوهاب 

• بحب أسمع من القديم عبد الحليم عمرو دياب ومحمد منير، ووالدي كان السبب ولازال لحد دلوقتي أن اسمعهم كنت بسمع أغنية مقابل أنه يسمع اغنية راب.
• بدخل للناس من فيك اكونت اسألهم عني عشان أعرف حقيقتي وفي وقت من الأوقات كنت بستخدمه إني أقلش واتنمر على الناس.
• كنت بمر بفترة صعبة جدا وبعتذر للجمهور عن غيابي وياريت نرجع العلاقة الحلوة اللي كانت ما بينا.
• أنا ونورين أصحاب والناس فاكرة أنه فيه علاقة بينا بسبب مقطع أغنية مسيفها على الموبايل "ن" بس البنت دي ملهاش علاقة بالوسط الفني أصلا ومش نورين.
•  الرابر هنا في مصر مش فرافير احنا شباب جامدين وعاديين زي الباقي.
• موافقش اتشتم أو اسمي يتبهدل عشان شوية مشاهدات وأحيانا الدس بيقلب بخناقة حقيقية.
• مرض والدتي سبب من أسباب النجاح اللي انا وصلتله حاليا.
• مزعلتش من حميد الشاعري أما قال إن ويجز احسن رابر والفيديو بتاعي كان هزار وهو ضحك عليه لأن حميد حبيبي.

• بحب أغاني ويجز اللي بيراب فيها اوي لكن معرفهوش هو على المستوى الشخصي.
• معنديش منافسة بيني وبين حد وبسمع لكل الرابر واكتر واحد بنتجله هو عفروتو.
• احنا مفيش اي الات حقيقية في المزيكا في اغانينا عشان نغني بفرقة زينا زي المهرجانات.

آخر أعمال مروان موسى 

جدير بالذكر، أن آخر أعمال مروان موسى كانت مشاركته في اوبريت راجعين الذي قدم كنوع من أنواع الدعم للقضية الفلسطينية، ليس هذا فقط بل قاموا بالتبرع بأرباحه لإنقاذ أهالي فلسطين من المجاعة الذي يعانون منها تلك الفترة الممتدة حتى الآن.

التنمر سبب إصابتي بالسرطان.. أبرز تصريحات شريف مدكور في برنامج ع المسرح

انتصار تفتح النار على أصحاب المناصب: المفروض يعملولهم جلسات نفسية.. برنامج ع المسرح

مروان موسى يكشف تفاصيل أوبريت راجعين 

وتحدث مروان موسى عن تفاصيل أوبريت راجعين، قائلا: حاولنا على نقدر أننا نلغي البصمة الشخصية في سبيل الصورة الأكبر وأننا نوصل رسالة أولًا للشعب الفلسطيني إننا في ضهرهم كشعوب وإحنا بنعمل اللي علينا، وتاني حاجة لو الرسالة هتوصل عالميًا تحكي قصة الناس دي بالشكل الصح مش بالشكل اللي بيتحرف، والحمد لله الواحد شاف حاجة جديدة وأول مرة أشوف العرب متحدين في حاجة واحدة زي دي، طلبنا أن يتحط مشاهد من اللي بيحصل غزة فعلًا ده المهم دلوقتي ومحدش فينا كان في الموود، وإحنا داخلين دلوقتي سمعنا إن في ضرب في مخيمات معينة في غزة وطوال ما كنا ببنسجل في الأغنية كنا بنتشحن بأخبار زي دي وخصوصًا أننا في الأردن جنب الحدود أكتر لغزة.