التنمر سبب إصابتي بالسرطان.. أبرز تصريحات شريف مدكور في برنامج ع المسرح

حل المذيع شريف مدكور أمس السبت الموافق 30 مارس ضيفًا على برنامج ع المسرح، الذي تقدمه الإعلامية منى عبد الوهاب، ويذاع عبر شاشة تلفزيون قناة سي بي سي، وأثناء الحلقة تحدث شريف مدكور عن الكثير من الأمور التي تخص حياته الفنية والشخصية، والعديد من الموضوعات المثيرة للجدل.

أبرز تصريحات شريف مدكور في برنامج ع المسرح

ومن أبرز تصريحات شريف مدكور في برنامج ع المسرح والتي يرصدها موقع تحيا مصر:

• أنا طبعي وعشرتي صعبة، ومش أي حد يقدر يعيش معايا في مكان واحد لمدة طويلة
• بسبب النظام والانضباط والنظافة المفرط عندي مش عاوز أتجوز
• أنا مقدرش أقعد مع الأطفال أكتر من نص ساعة، ده بيبقى آخري، ولو بقيت أب كنت هابقى أب صعب
• مرضاش لأولادي شهرتي تؤذيهم نفسياً من تنمر الأطفال في المدرسة أو التدخل في شؤون الآخرين
• عانيت من التنمر لدرجة إن أحد أسباب إصابتي بالسرطان هو التنمر
• مش عايز أخلف علشان ولادي ميتعرضوش في يوم للتنمر ويتقال لهم أبوكم كذا ويتشتموا
• أنا في صراع مع المجتمع يا أنا يا أنتم، هنحترم بعض يعني هنحترم بعض وكل واحد حر في ذاته ونفسه

صراعات شريف مدكور في برنامج ع المسرح

• اتعرضت لبعض الصراعات بسبب توجهاتي السياسية والدينية المعلنة
• أنا مش من نوعية الناس اللي بتخاف وتقول لا أنا كده هفقد جمهوري، أفقد جمهوري بس مخسرش نفسي
• أنا ضد العباية السودا، واللي عايزة تلبسها هي حرة، أنا أغير على ستات بلدي وعلى صورة السيدة المسلمة
• مرة لقيت واحدة مصممة وجاية لابسة بنطالون استريتش وحاطة رموش 3 طبقات وحجاب
• أنا شايف إن ده منظر لا يليق هو حريتها بس دي تسيء لصورة المرأة المصرية المسلمة وأنا مش هطلعها على الشاشة

رسالة شريف مدكور للمتنمرين

وسبق وأن حرص شريف مدكور على توجيه رسالة شكر لكل المتنمرين به، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

مسلسل كوبرا الحلقة 4..منة فضالي تعاني من الجن العاشق

ضحية حلقة اليوم من برنامج رامز جاب من الآخر

وكتب شريف مدكور: بحمد ربنا إن مشاعري جافة وقلبي زي الحديد نعمة من ربنا، وده في الغالب بسبب التنمر وقلة الأدب اللي حصلتلي في حياتي شكرا لكل من شتمنى واتريق عليا أنت قوتني.