عاهة مستديمة.. أماني تطلب الطلاق للضرر بعد سنة جواز

أماني زوجة في مقتبل العمر في بداية الثلاثينات من عمرها، متوسطة الطول وقوامها معتدل، طلبت الطلاق للضرر في محكمة الأسرة بالكيت كات في الجيزة بسبب تعديه عليها بالضرب والإهانة المستمرة، حتى أصابها بعاهة مستديمة حتى أنها طلبت الطلاق منه في أول شهر بعد الزواج إلا أنه أسرتها رفضت ذلك وفي النهاية توجهت إلى محكمة الأسرة للتخلص منه.

هايدي تطلب الخلع: معاملته اتغيرت معايا بعد سنين حب وطردني أنا والعيال

مسكته في السرير مع قريبته.. هالة لـ تحيا مصر: خلعته علشان خاين

زوجة تطلب الطلاق: هخلعه لو مطلقنيش كفاية ضرب وإهانة

طردني في نص الليل.. تهاني لـ تحيا مصر: بيضربني قدام بناتي اللي على وش جواز

أماني تطلب الطلاق من زوجها 

سردت أماني قصتها مع زوجها لـ تحيا مصر قائلة «أنا زي ما أنتوا شايفني ست عادية وبسيطة جدا وماليش طلبات وعمري ما كان ليا طلبات بس جوزي راجل مفتري ضربني وشوفت على أيده كل أنواع الإهانة حتى أني كنت عايزة أطلق منه في أول شهر بس أهلي رفضوا ربنا يسامحهم».

وقالت أماني في قصتها عن زوجها أثناء جلوسها داخل محكمة الأسرة في الكيت منتظرة موعد جلستها «أنا رفعت قضية طلاق للضرر على جوزي وده بسبب عمايله فيا، كل شوية ضرب وإهانة لحد ما زهقت من العيشة دي، جوزي تسبب لي في إصابات وعاهة مستديمة ودمر حياتي وكل حاجة وخلاني إنسانة عايشة ميتة».

أماني: جوزي جاب لي عاهة مستديمة

وتابعت أماني قائلة «أنا اتجوزته زي أي بنت ومكنش في حاجة وكان طبيعي جدا لكن من أول يوم شوفت السواد، وطلبت الطلاق في أول شهر لكن أهلي قالولي أصبري واستنى عليه، وللأسف استحملت كل اللي كان بيعمله فيا رغم أني كنت عايشة في البيت ده وأنا خايفة بس كنت بسمع كلام أهلي».

وأكملت أماني «سرق كل حاجة دهبي وعفشي وسابني متعلقة ورفض يطلقني رغم كل اللي عمله معايا حسبي الله ونعم الوكيل، طلبت منه الطلاق قالي اتنازلي عن كل حاجة الدهب والعفش والفلوس وكل حاجة ولما قولت له لا ضربني علقة موت وجاب لي عاهة مستديمة حسبي الله ونعم الوكيل فيه».

سيدة: عايزني أتنازل عن كل حاجة

وأختتمت أماني قائلة «خد مني كل حاجتي وسابني كدة ورجعت بيت أهلي وخلاني في حياة كلها جحيم لحد ما اتنازلت عن كل حاجة عشان أخلص منه ويطلقني وأنا خلاص تعبت منه ومن اللي بيعمله معايا، أنا مشوفتي يوم حلو في جوازي»