طردني في نص الليل.. تهاني لـ تحيا مصر: بيضربني قدام بناتي اللي على وش جواز

تهاني زوجة بلغت من العمر خمسة وخمسين عاما، إلا أنها وبعد هذا العمر وجدت نفسها أمام محكمة الأسرة تتقدم بدعوى خلع ضد زوجها في محكمة الأسرة بمنطقة الكيت كات في الجيزة، للتخلص من معاملة زوجها معها.

بيجيب ستات في الشقة.. وفاء تطلب الخلع: بيضربني ويخوني ومش عارفة اتكلم

15 طربة حشيش.. المشدد ٣ سنوات لسائق لاتهامه بتجارة المخدرات في الجيزة

معاملته وحشة.. زوجة تطلب الخلع: مش عايز يصرف علينا واتغير بعد الجواز

غدر بيها في بيت أهلها.. والدة ضحية زوجها بـ الهرم: خلص عليها وهي نايمة | فيديو

تهاني تطلب الخلع: طردني في نص الليل

سردت تهاني قصتها المأساوية مع زوجها لـ تحيا مصر، حيث جلست أمام محكمة الأسرة في الكيت كات يظهر عليها علامات السنين، واليأس والحزن من أفعال زوجها ترتدي جلباب أسود وتندب حظها، وبدأت كلماتها بـ «أقول إيه ولا إيه أنا شايفة المر من الراجل اللي اتجوزته وعشت معاه العمر كله».

زوجة تطلب الخلع: فاض بيا من الضرب والإهانة

وقائع مثيرة وغريبة تعرضت لها تهاني مع زوجها، حيث قالت أنها سيدة بالغة من العمر خمسة وخمسين عاما، وأنها حضرت إلى المحكمة لحضور جلستها وسردت قائلة «أنا تعبت بقى من كتر الضرب والإهانة وبناتي كبار مش صغيرين، جوزي كل شوية يضربني ويطردني من البيت في نص الليل وأخويا يجي ياخدني والسبب أنه مش عايز يصرف علينا وأنا تعبت من المعاملة دي وهو مش عايز يطلقني».

تهاني تشكو زوجها: طلبت منه الطلاق لكن هو رافض

وأكملت تهاني في قصتها عن زوجها بإنهيار «رفض يطلقني وأنا معايا 4 بنات وبقيت خايفة عليهم هيوقف حال بناتي بسبب سمعته السيئة، وأنا خلاص فاض بيا وتعبت وفكرت في قراري النهائي أني أجي محكمة الاسرة وأرفع عليه دعوى خلع رغن أني عارفة اللي هيحصل بعدين لبناتي بسبب كدة بس غثب عني هو اللي وصلني لكدة».

تهاني: جاله صدمة لما عرف أني رافعة عليه خلع

وتابعت تهاني في قصتها من داخل محكمة الأسرة في الكيت كات «اتصدم أول ما عرف أني رفعت عليه قضية خلع ورغم كدة مش عايز بردو يطلقني ومصمم على قراره وقالي أعملي اللي عندك أنا مش عايزة مشاكل، وعايزة بس أعيش وأربي بناتي لأن هو استنفذ كل طاقتي وأنا بناتي على وش جواز وخايفة عليهم وعلى سمعتهم وربنا يهديه ويبعد عننا وأعرف اشتغل واصرف على بناتي».