معاملته وحشة.. زوجة تطلب الخلع: مش عايز يصرف علينا واتغير بعد الجواز

زوجة تبلغ من العمر ثلاثة وثلاثين عام من داخل محكمة الأسرة قامت برفع دعوى خلع من زوجها في منطقة زنانيري التابعة لمحافظة القاهرة بسبب قيامه بالتعدي عليها بالضرب والأهانه واعتياده على تعاطي وإدمان المواد المخدرة، وعدم قيامه بدفع مصروفات المنزل لهم.

غدر بيها في بيت أهلها.. والدة ضحية زوجها بـ الهرم: خلص عليها وهي نايمة | فيديو

جريمة حدائق القبة.. شهود العيان: المنظر كان صعب والمتهم بيعشق تراب رجل أمه | فيديو

زوجة: جوزي بيضربني كل شوية وأنا تعبت

بداية الحديث أمام محكمة الأسرة، حيث جلست زوجة بالغة من العمر 33 عاما تنتظر موعد جلستها وتحدثت قائلة «بداية جوازنا كنا عايشين كويسين ومفيش أي خلافات زوجية بينا وبقالنا ٨ سنين متجوزين وبيشتغل ويصرف عليا كنت واخداه عن قصة حب وحملت في بنتين وبعت دهبي وجبت له توكتوك يشتغل عليه علشان نحسن من حالتنا المادية».

زوجة: كل ما اقول بطل مخدرات يضربني

واستكملت الزوجة في قصتها، بدأت المشاكل تظهر من بعد ما جبت التوكتوك واتعرف على صحاب السؤء وبقى يشرب استروكس وحشيش ومبقاش يدينا مصاريف وعلى طول ضرب وإهانه لما اقوله عايزين مصاريف وارحم نفسك شويه من القرف اللي بتشربه ده، وكنت بستحمل علشان بناتي وكمان علشان بحبه لكن هو مقدرش ده.

زوجة: طلبت الانفصال رفض يطلقني

وتابعت الزوجة في قصتها بمحكمة الأسرة في زنانيري، مشيت من البيت كتير وغضبت عند أهلي وكان يرجع ويقولي حقك عليا هتغير وكنت برجع معاه علشان بحبه بس للأسف بيرجع تاني يضربني ويتخانق معايه وبسبب أني عايزة أعيش أحسن من أي حد وأنه يتغير ويبعد عن أصحابه السؤء ونرجع بحياتنا الطبيعية بس هو رفض ده، وطلبت الطلاق منه رفض يطلقني روحت محكمة الأسرة ورفعت دعوى خلع علشان أطلق وأعيش وأشتغل واربي بناتي.

وأنهت الزوجة حديثها من داخل المحكمة أنا عايزة أعيش واربي بناتي بس هو رفض يصرف علينا وانا خايفه بناتي يحصل ليهم حاجة وهو اتصدم لما عرف إني رفعت عليه دعوى طلاق وقالي بناتي يفضلوا معاكي أنتي هتحافظى عليهم أكتر مني أنا مش هعرف احفظ عليهم انا بناتي .م. تبلغ من العمر ٨ سنين و .ن. تبلغ من العمر ٦ سنين وهشتغل واصرف عليهم وفي انتظار دعوى الطلاق.