بيجيب ستات في الشقة.. وفاء تطلب الخلع: بيضربني ويخوني ومش عارفة اتكلم

وفاء زوجة تبلغ من العمر خمسة وثلاثين عاما قامت برفع قضية خلع من زوجها في محكمة الأسرة بالكيت كات بسبب خيانته لها وقيامه بضربها والإعتداء عليها وإهانتها، لا سيما امتناعه عن اداء المصروفات لها أو إعطائها الأموال.

15 طربة حشيش.. المشدد ٣ سنوات لسائق لاتهامه بتجارة المخدرات في الجيزة

معاملته وحشة.. زوجة تطلب الخلع: مش عايز يصرف علينا واتغير بعد الجواز

غدر بيها في بيت أهلها.. والدة ضحية زوجها بـ الهرم: خلص عليها وهي نايمة | فيديو

جريمة حدائق القبة.. شهود العيان: المنظر كان صعب والمتهم بيعشق تراب رجل أمه | فيديو

وفاء: طلبت الطلاق من زوجي بسبب خيانته

وفاء سردت قصتها مع زوجها حيث جلست أمام محكمة الأسرة في الكيت كات تنتظر موعد جلستها وقالت لـ تحيا مصر «انا مكنتش موافقة على الجواز منه، لكن أهلي من الصعيد وعصبوني على الجوازة وده علشان زي ما بيتقال قطر الجواز ما يفوتنيش، وكبرت في السن وكانت كل حياتي ضرب وإهانة من أهلي وكانوا كل شوية يقولوا انتي بقيتي 28 سنة هتفضلي قاعدة لنا في البيت كدة وتوقفي حالك وحال أخواتك البنات، ووافقت عشان أخلص من اهلي لكن نصيبي طلع كدة والحمد لله على كل حال .

زوجة: أتجوزت غصب عني من زوجي

واستكملت وفاء والدموع تملأ عينيها والحزن يسيطر على قصتها «وافقت أتجوز علشان أخلص من كلام الناس وكلام أهلي وبسببهم عيشت عمري كله تعيسه وفي حزن ومشاكل وتعب ولا يوم شوفت سعادة بسبب كلامهم أني كبرت وسني كبر وكلام الناس دفعت كل دة ثمنه حياتي وظلم وجوزي منه لله ظالم وجاحد كل شوية ضرب وإهانة ومفيش مصاريف لدرجة أني كنت بنام من غير أكل والله بسبب قله الفلوس ومش عايز يشتغل وأنا من عائلة كبيرة ومعندناش حريم بتشتغل.

وفاء: بيجيب ستات في الشقة ويخوني

وتابعت وفاء في قصتها من داخل محكمة الأسرة كيت كات «زوجي بجح كان بيجيب ستات في الشقة لدرجة أن صاحب البيت طرده منها بسبب سوء سلوكه وأنا سبت الشقة ومشيت عند أهلي وقاعدة أنا وأولادي في شقة بنام على بطانية على الأرض مفيش أي حاجة في الشقة كلها فاضية والجو ساقعة وهو مش عايز يصرف علينا منه لله ماشوفتش يوم حلو معاه ولا سعادة ولا راحه ولا حتى بيصرف علينا ضرب وإهانة وقله قيمة بجد حسبي الله ونعم الوكيل وأفوض أمري إلى الله، علشان كدة تعبت نفسيا وقررت أرفع عليه قضية خلع لأنه مش عايز يطلقني وكل شوية يضربني ويبهدلني وبيفرج علينا الناس وأنا عايزة أربي بناتي كفاية اللي شوفته معاه وحسبي الله ونعم الوكيل.