مسكته في السرير مع قريبته.. هالة لـ تحيا مصر: خلعته علشان خاين

هالة زوجة تبلغ من العمر الثامنة والثلاثين عاما جلست داخل محكمة الأسرة في القاهرة بعدما قامت برفع دعوى خلع على زوجها في منطقة زنانيري التابعة لمحافظة القاهرة بسبب الخيانة وتعدي عليها بالضرب والأهانه.

زوجة تطلب الطلاق: هخلعه لو مطلقنيش كفاية ضرب وإهانة

طردني في نص الليل.. تهاني لـ تحيا مصر: بيضربني قدام بناتي اللي على وش جواز

بيجيب ستات في الشقة.. وفاء تطلب الخلع: بيضربني ويخوني ومش عارفة اتكلم

15 طربة حشيش.. المشدد ٣ سنوات لسائق لاتهامه بتجارة المخدرات في الجيزة

هالة تطلب الخلع من زوجها: خاين

وسردت هالة قصتها مع زوجها لـ تحيا مصر، وقالت في بداية الحديث من داخل  محكمة الأسرة، أنا تعبت من زوجي أنا بقالي 18 سنه متزوجة كل شوية خيانة ويجيب ستات في البيت ومش بيراعي شعوري ومشاعري وأني موجودة دة بجح ومش بيصرف علينا كمان أنا اللي بشتغل وبصرف على البيت وانا تعبت من كتر معاملته السيئه ليا أنا واولادي لدرجة أن الفلوس اللي بقبضها من شغلي هو بيخدها ولو قولتله لاء بيضربني ويبهدلني ماشوفتش يوم حلو معاه على طول ضرب وإهانه وخيانه لحد ما تعبت وفاض بيا.

زوجة ترفع قضية خلع على زوجها 

واستكملت هالة من داخل محكمة الأسرة: أنا جوزي خاين وبجح لدرجة أنه خاني على فراش الزوجية مع قريبته ومسكته وشوفتهم بعيني ولما قولتله انت بتعمل ايه وأزاي ده يحصل وأنتي أزاي تيجي هنا وانتي عارفه أنه متجوز وعارفاني ردت عليا بكل بجاحه وقلتلي دة جوزي يا حبيبتي زيي زيك وهو ساكت متكلمش كل اللي قاله دي مراتي أنا مش عايزك وبكرهك.

هالة: تعبت منه أنا والولاد 

وتابعت هالة في قصتها عن زوجها: «آخر ما زهقت منه طلبت الطلاق رفض يطلقني وضربني وبهدلني وقالي على جثتي لو اطلقتي هتفضلي خدامة تحت رجلي العمر كله ومش بيشتغل ولا بيصرف على البيت انا اللي بصرف على البيت لدرجة ان أولادي نفسيتهم تعبت وابني الكبير بيقولي انا تعبت ياماما نفسيه ومش عايز ارجع البيت مبقتش عارفه اعمل ايه اولادي مستقبلهم هيضيع ونفسيتهم تحت الصفر».

وأنهت هالة حديثها من داخل محكمة الأسرة : رفعت قضية خلع على زوجي علشان تعبت نفسيا انا وأولادي ومستحيل اكمل معاه انا كدة كدة اللي بصرف على أولادي والبيت هو مالوش لازمة هو عايش معانا بيأذينا نفسيا وبس وانا اللي بصرف عليه انا كل اللي بطلبه قضية الخلع تنجح علشان ابعد عنه علشان هو رافض يطلقني.