مات من غير أكل.. محمد مات وهو بيدافع عن مرات عمه في بولاق الدكرور

جريمة مأساوية ومروعة شهدتها منطقة بولاق الدكرور في الجيزة، راح ضحيتها شاب في مقتبل العمر بسبب دفاعه عن زوجه عمه التي كان يعتدي عليها أحد الجيران بالسب والقذف، ويكشف موقع تحيا مصر تفاصيل الحادث الآليم بعدما أنهى سائق حياة المجني عليه بعدة طعنات استقرت في القلب.

هايدي تطلب الخلع: معاملته اتغيرت معايا بعد سنين حب وطردني أنا والعيال

مسكته في السرير مع قريبته.. هالة لـ تحيا مصر: خلعته علشان خاين

زوجة تطلب الطلاق: هخلعه لو مطلقنيش كفاية ضرب وإهانة

طردني في نص الليل.. تهاني لـ تحيا مصر: بيضربني قدام بناتي اللي على وش جواز

تفاصيل جريمة بولاق الدكرور.. محمد راح دفاع عن مرات عمه

جريمة بولاق الدكرور سردتها والدة المجني عليه محمد لـ تحيا مصر وذلك بعد أن لقى مصرعه على يد جاره السائق أثناء مشاجرة ومشادة كلامية مع زوجة عمه، حيث كان المجني عليه يحاول الصلح بينهما بعدما شاهده يتعدى على زوجة عمه بالسب والقذف والألفاظ.

وكشفت والدة المجنى عليه محمد في واقعة بولاق الدكرور، «في بداية الموضوع محمد صحى من النوم وقالي أنا جعان قولتله هحضرلك الغداء قالي على ما تحضري الأكل هنزل أفتح المحل، عشان أنا فاتحة محل سوبر ماركت على قدي في المنطقة ونزل فتح المحل وقعد قدامه وببص سمعت صوت مرات عم محمد بتزعق مع جارنا وهو بيزعق ويغلط فيها جامد».

والدة ضحية بولاق الدكرور: غدروا بـ ابني

وتابعت والدة المجني عليه في واقعة بولاق الدكرور «محمد ابني قاله اهدى ياعم يوسف في ايه مالك، مينفعش كدة قاله أنا عيلة صغيرة تنده عليا بأسمي هو أنا عيل صغير معاها ينفع كدة، راح محمد قاله مينفعش ياعم يوسف وحقك على راسي حقك عليا أنا خلاص ياعم يوسف».

وأكملت والدة المجني عليه في بولاق الدكرور قائلة «المتهم اتهجم على محمد واعتدى عليه بالضرب وبعدها نزل أ×وه بدل ما يفك الاشتباك نزل ضرب ابني بردو وطلع سلاح من جيبه وطعنه 3 مرات في القلب، وبعد ما قتله داس عليه بجزمته، وواحد جارنا جاب توك توك وقاله اوعى هوديه المستشفى كده هيموت قاله سيبيه يموت ولما راح المستشفى مكملش نص ساعة ومات ياحبيبي من غير ما يفطر حسبي الله ونعم الوكيل فيهم».

والدة الضحية: محمد مات من غير فطار

واختتمت والدة صحية بولاق الدكرور قائلة «أنا عايزة حق ابني منهم لله دول بتوع مشاكل احنا عمرنا ما عملنا مشاكل دة جزاء ابني يموت كدة على يد مجرمين ابني يتيم الأب وباع التوكتوك بتاعه علشان يجهز اخته ويجوزها عاش راجل ومات راجل ربنا يرحمك يا حبيبي انا بطلب القصاص حق ابني يرجع علشان والله ما عمل حاجة لكل دة كان بيدافع عن مرات عمه أحنا معندناش حد بيتخانق ولا بيتشتم حسبي الله ونعم الوكيل».