اتسرعت في الجواز.. ياسمين في المحكمة: اتجوز عليا بعد أول خناقة بينا

ياسمين زوجة ممشوقة القوام بالغة من العمر 20 عاما، ظنت أن ربيع العمر سيأتي بالورود والفراشات إلا أنها وجدت نفسها أمام محكمة الأسرة في زنانيري تطلب الخلع من زوجها بعدما تزوج من سيدة أخرى في نفس شقة الزوجية بعد نشوف خلافات زوجية بينهما، حيث أقدم على الزواج من سيدة أخرى وإحضارها للإنتقام منها.

هايدي تطلب الخلع: معاملته اتغيرت معايا بعد سنين حب وطردني أنا والعيال

مسكته في السرير مع قريبته.. هالة لـ تحيا مصر: خلعته علشان خاين

زوجة تطلب الطلاق: هخلعه لو مطلقنيش كفاية ضرب وإهانة

طردني في نص الليل.. تهاني لـ تحيا مصر: بيضربني قدام بناتي اللي على وش جواز

ياسمين تطلب الخلع من زوجها

وسردت ياسمين قصتها مع زوجها لـ تحيا مصر، حيث جلست داخل محكمة الأسرة في القاهرة ويتضح عليها معالم الحزن وتلك المأساة التي تعيشها فقد بلغ سنها الـ 20 إلا أن ملامح وجهها وأعينها تقول أنها سيدة في الأربعين، انتظرت موعد جلستها في المحكمة وهي تردد «حسبي الله ونعم الوكيل فيه».

بدأت ياسمين في حديثها داخل محكمة الأسرة تسرد مأساة مع زوجها، ولا تريد تذكر تلك الساعات التي قضتها إلا أنها صمتت قليلا ثم قالت «أنا من أسرة متوسطة الحال، وأنا عندي 17 سنة أخدت دبلوم صنايع لأن الجواز عندنا في العيلة أهم والتعليم مش كل حاجة وأنا ساكنة في منطقة شعبية شوية، وقعدت سنتين من غير جواز ومفي شحد اتقدم لي».

ياسمين: اتجوز عليا في أول خناقة

وتابعت ياسمين قائلة «بقيت في نظر المنطقة والأقارب عانس ووالدتي كانت حزينة أوي من حاجة زي دي، وزعلانة أن مفيش حد بيتقدم لي لأن كل اللي حوالينا اتجوزوا وأنا لسه والكل كان بيعتبرني عانس مع أني لسه 19 سنة، وفي الفترة دي اتقدم لي جوزي وقال أنه حاصل على مؤهل عالي وأهلي وافقوا عليه وبعد شهرين بس أتجوزنا وحياتي في البداية كانت مستقرة وكويسة جدا».

وأكملت ياسمين قائلة «بعد فترة من الجواز، جوزي اتغير 360 درجة وبقى يعاملني بقسوة جدا وحصل بيني وبينه مشادة كلامية ومستحملتش أسلوبه الوحش وسبت له البيت وروحت عند أهلي بعد 5 شهور جواز، وعمل اللي عمري ما اتوقعت أني اتحط فيه، عرفت أنه اتجوز وجاب واحدة في الشقة».

ياسمين: اتسرعت وسمعت كلام الناس

واضافت ياسمين «روحت على محكمة الأسرة ورفعت قضية خلع وتبديد عفش لأنه خاين وبجح، والمفاجأة الأكبر أنه كان بيعمل حاجات مش طبيعية معايا ومبقتش عارفة هو طبيعي ولا في حاجة ولا أنا بس أنا اللي اتسرعت ومشيت ورا كلام المجتمع والناس وأني عانس واتجوزت على طول كمان بعد شهرين، وفي الأخر أنا اللي هدفع التمن بدري في حياتي منه لله وحسبي الله ونعم الوكيل فيه».