ريهام سعيد تهاجم بيومي فؤاد: 2 مليون بيتقطعوا حتت مش محترمهم ولا محترم شعورهم

هاجمت الفنانة والإعلامية ريهام سعيد الفنان بيومي فؤاد بعد تصريحاته الأخيرة في موسم الرياض السعودي وذلك بعد انتهاء عروض مسرحية زواج اصطناعي، موجهة له رسالة شديدة اللهجة وذلك خلال برنامجها الشهير "صبايا الشمس".

تحيا مصر 

ريهام سعيد لبيومي فؤاد: مينفعش تنتقد محمد سلام

وقالت ريهام سعيد في رسالتها لبيومي فؤاد: ما ينفعش تنتقد محمد سلام لإن موقفه موقف محترم، ومينفعش تغلط في اللي عمل الصح، بيومي فؤاد قال كلام مستفز، وأنا وضعي صعب لأن بطاقتي مكتوب فيها ممثلة، لكن إنت كده ضحكت على نفسك يا بيومي.

وتابعت ريهام سعيد حديثها، قائلة: والشعب السعودي على راسنا من فوق، إيه دخل ده في إنك رايح تقدم مسرحية تضحك؟ كلنا لنا الشرف نتصور مع السعودي والإماراتي واللبناني، إيه دخل ده في إن كان في مستشفى بينضرب وناس بتموت والدم سايح في كل حتة؟ إنت رايح تضحك بدليل إنك فنان كوميدي، وبدلت محمد سلام بكوميديان هو محمد أنور، وناس كتير شايفة مكانش يصح تضحك في الوقت ده، والأسبوع اللي محمد سلام إتكلم فيه كان وضع صعب جدا وما زال.

ريهام سعيد عن بيومي فؤاد: مش محترم الفلطسينيين ليه؟

وأضافت ريهام سعيد عن تصريحات بيومي فؤاد: "يعني إنت احترمت ناس دفعت تذاكر علشان تروح مسرحية، ومش محترم الفلسطينيين ليه؟ 2 مليون ونص فلسطيني بيتقطعوا حتت مش محترمهم ليه ومش محترم شعورهم؟".

تصريحات بيومي فؤاد

وكان قد وجه بيومي فؤاد اللوم على محمد سلام في فيديو تم تداوله على مواقع التواصل الاجتماعي المختلفة، قال فيه: من حقك تعتذر عن المسرحية لكن مش من حقك تغلط في فنك، احنا مش بنيجي عشان نضحك حضراتكم، احنا بنقدم فننا، أنتو بتحترمونا واحنا بنحترمكم جدا، شيء عظيم أن الفنان يبقى ليه جمهور في كل الدول، شيء عظيم أني أتصور مع شاب سعودي أو سيدة سعودية، وهي تعلم أن أنا مصري، أنا بشرف بلدي.

ابن حسن يوسف يهاجم بيومي فؤاد: فن ايه اللي بتقدمه أنت أعمالك كلها هابطة

خاص| أول تعليق من محمد سلام على هجوم بيومي فؤاد عليه

وبعد دقائق من انتشار الفيديو خرج عدد كبير من نجوم الفن والاعلام ليهاجمهوا بيومي فؤاد على هذه التصريحات.