خاص| أول تعليق من محمد سلام على هجوم بيومي فؤاد عليه

حالة واسعة من الجدل أُثيرت خلال الساعات الماضية، بعدما شن الفنانة بيومي فؤاد هجومًا على الفنان محمد سلام، وذلك بعد انسحابه من مسرحية زواج اصطناعي.

تحيا مصر 

محمد سلام يرفض الرد على  بيومي فؤاد 

وفي أول تعليق للفنان محمد سلام على ذلك الهجوم أوضح أنه يفضل الصمت وعدم تفجير تصريحات خلال هذه الفترة.

هجوم بيومي فؤاد على محمد سلام 

وكان نشر الصحفي خالد فرج مقطع فيديو ظهر فيه الفنان بيومي فؤاد وهو يعلق على موقف الفنان محمد سلام بعد انسحابه من المسرحية قائلا: من حقك إنك تعتذر عن المسرحية لكن مش من حقك إنك تغلط في فنك، إحنا مبنجيش علشان نضحك حضراتكم، إحنا بنقدم فننا المصري وانتوا بتحترمونا واحنا بنحترمكم جدا جدا.

وأضاف بيومي فؤاد: شيء عظيم إن الفنان يبقى ليه جمهور في كل الدول ... شيء عظيم إني أخرج أتصور مع شاب سعودي أو سيدة سعودية وهي تعلم إن أنا مصري أنا بشرف بلدي، أنا فنان مصري وليا الشرف.

محمد سلام يعتذر عن مسرحية زواج اصطناعي 

وكان قال محمد سلام عبر مقطع فيديو نشره عبر حساباته الرسمية بمواقع التواصل الاجتماعي اعتذر خلاله عن المسرحية: السلام عليكم ورحمة الله إنشالله المفروض أسافر الرياض عشان أعرض مسرحية زواج اصطناعي في موسم الرياض والمفروض إنها مسرحية كوميدية وفيها أغاني واستعراضات والمفروض إننا نعرض إنشالله يوم 30 أكتوبر.

وتابع محمد سلام: هنعرض في وسط الأحداث اللي بتحصل في غزة فأنا مش متخيل إني هروح أعمل مسرحية واهزر وارقص واخواتنا في فلسطين عمالين يتقتلوا ويدبحوا ومفيش حاجة بتحصلهم.

وأضاف: أنا مش هقدر أسافر طبعًا وليه بقول الكلام ده في آخر لحظة المفروض إني أسافر بكره إنشالله لأني كنت على أمل أن الموسم يتلغي أو يتأجل مثل مهرجانات الجونة والقاهرة أو الموضوع يهدى في فلسطين، ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل، فأنا ازاي أروح اعرض وناس بتموت في فلسطين، حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص، فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده.

اقرأ أيضًا..

رشا السيد تشارك بمهرجان «أيام الشارقة» بدورته الـ 31

 بعد دخولها العناية المركزة.. وفاة زوجة سمسم شهاب 

واستكمل محمد سلام حديثه قائلًا: كان عندي الموسم يتأجل أو يتلغى، فأنا مش هقدر أشارك في المهرجان ده وحابب أقول إني كنت في مشكلة مش عارف أسافر ولا أعمل إيه؟ والتمثيل هو أكل عيشي، لكن لو مسافرتش هل هموت من الجوع؟ بالتأكيد لا.