ابن حسن يوسف يهاجم بيومي فؤاد: فن ايه اللي بتقدمه أنت أعمالك كلها هابطة

خرج الفنان عمر حسن يوسف، نجل الفنان حسن يوسف للهجوم على الفنان بيومي فؤاد وذلك بعد تصريحاته الأخيرة في موسم الرياض السعودي بعد عرض مسرحية زواج اصطناعي والذي انتقد من خلالها اعتذار الفنان محمد سلام عن المشاركة في المسرحية.

تحيا مصر 

نجل حسن يوسف ينتقد بيومي فؤاد 

وكتب نجل الفنان حسن يوسف عبر حسابه الرسمي بموقع التواصل الاجتماعي "فيسبوك": فن إيه اللي بتقدمه، ده انت عامل بتاع ١٠٠ فيلم هابط و اخرهم ال طلعت عملته على المسرح.

نجوم الفن يهاجمون بيومي فؤاد 

ولم يكن نجل حسن يوسف الأول، حيث كتبت المخرجة كاملة أبو ذكرى عبر حسابها الرسمي بموقع التواصل الاجتماعي فيسبوك: الأستاذ الفنان اللي كنت واحدة من محبيه.. لو حضرتك فاكر إنك لما تعمل عمل اتحضر واتكتب واتنفذ في 3 أيام.. وتروح تعرضه وترقص وتغني وتضحك وبعد كده تأخد آلاف الدولارات.. لو ده بتسميه فن فأنا لا يشرفني إني أكون زميلة لك في هذه المهنة، لما تكون بتعرض التفاهات دي.. ده لا يشرف الفن المصري، ولما تعرض التفاهة دي وجارك بيدبحوا أطفاله ونساءه ورجاله وتقولي الفن.. يبقي ماعنديش كلام أقدر أقوله غير إن.. الإحساس والفن نعمة أنتم آخر ناس تتكلموا عنها.

بينما كتبت السيناريت انجي علاء: انت كفنان مبدع ربنا انعم عليك بنعمة قدرها عظيم.. لو محترمتهاش محدش هيحترمك وهتبقى رخصت فنك ونفسك.. ومن سمو الفن انه مرآة لمشاعر المجتمع.. الفنان الحقيقي بيكون مهموم بهموم الناس.. حاسس بيهم.. بيعبر عنهم.. وعن الوجع اللي جواهم وحتى وهو بيرفه عنهم بيقدر يوصل رسالة تفيدهم وتأثر فيهم وهو بيرقق مشاعرهم.. الفنان الحقيقي بيحترم مهنته وبيحترم الموهبة اللي ربنا ادهاله وبيحترم نفسه وعارف قيمة فنه.. انا بريئة من العبث اللي بيحصل ده.. الفن أرقى من كده بكتير.

بعد تصريحات بيومي فؤاد.. انجي علاء: الفنان الحقيقي بيكون مهموم بهموم الناس وانا بريئة من العبث اللي بيحصل ده

خاص| أول تعليق من محمد سلام على هجوم بيومي فؤاد عليه

تصريحات بيومي فؤاد

ويذكر أنه، انتشر فيديو في الساعات القليلة الماضية الفنان بيومي فؤاد من كلمته بعد عرض مسرحية زواج اصطناعي والتي تم عرضها في موسم الرياض السعودي، والذي وجه خلاله اللوم على محمد سلام، فقال: من حقك تعتذر عن المسرحية لكن مش من حقك تغلط في فنك، احنا مش بنيجي عشان نضحك حضراتكم، احنا بنقدم فننا، أنتو بتحترمونا واحنا بنحترمكم جدا، شيء عظيم أن الفنان يبقى ليه جمهور في كل الدول، شيء عظيم أني أتصور مع شاب سعودي أو سيدة سعودية، وهي تعلم أن أنا مصري، أنا بشرف بلدي.