فتح لها بطنها 100 غرزة.. مأساة سيدة الغربية على يد شقيقها: الجرح اللي في قلبي مش هيلم|فيديو

قالت أم رودنيا المجني عليها على يد شقيقها في الغربية لـ تحيا مصر «أخويا تعدى عليا بسبب أن جوزي خطف بنتي وخدها عند أخويا ولما أشتكيته في التليفون، جه ضربني بـ آلة حادة عملي جرح 100 غرزة بدون سبب قدام أبويا في شقتنا».

حق الرد.. المتهمة بالتعدي على ممرضة شبرا العام تفجر مفاجأة | فيديو

المريضة ضربتنا وقريبتها طلعت سلاح من صدرها.. ممرضة مستشفى شبرا العام تفجر مفاجأة عن حادث قسم النساء|فيديو

سيدة الغربية تروى تفاصيل إعتداء شقيقها عليها

وأضافت أم رودينا - سيدة الغربية «أنا كل ما أشوف جسمي هتبقى عذاب ليا في حياتي، انا في حالة نفسية وحشة أنا عملت مع أخويا كل حاجة وهو أقرب حد ليا، وأنا اللي مربيه أبنه، وأنا مش مشكلتي في الجرح اللي في جسمي، لكن الجرح اللي في قلبي مش هيلم العمر كله».

وتابعت أم رودينا «اللي حصل أني بنتي أختفت مرة واحدة وقعدت أدور عليها 4 أيام وملقتهاش، وبعدين عملت محضر إختفاء، وأنا كنت متأكدة أنها مع أبوها بس كنت بقول هيوديها فين وهو معندوش مكان يقعد فيه، ولا معاه تليفون أكلمه عليه أعرف البنت فين، وفضلت قاعدة في البيت».

أم رودينا: الغرز هتخف لكن جرح قلبي منه مش هيلم

وأكملت سيدة الغربية «بعدها صحيت في يوم الصبح لقيت صور بنتي مع أخويا وأخويا مع جوزي على الفيسبوك في مكان في حمام سباحة، ومكنتش فاهمة ده أزاي يعني، روحت أتصلت بزوجة أخويا قالتلي بنتك عندنا وهي بتقول أنك طردتيها وجت قعدت عند خالها».

أخويا مقالش ليه.. إزاي يشوفني كدة قدامه بتقطع على بنتي ويسيبني.. أكملت أم رودنيا سيدة الغربية حديثها قائلة «مبقتش عارفة أتهم أخويا إزاي في المحضر، ونزلت من عند والدتي لقيت أخويا ومراته وجوزي وبنتي مع بعض رايحين يشتروا حاجات، أخدت بنتي وسألتها رايحة فين وهدومك فين، قالتلي عند خالو كل هدومي، وساعتها أبوها خدها ومشي وأمي قالتلي سيبيها».

سيدة الغربية: خد بنتي عنده وأنا بدور عليها 4 أيام

كلمت أخويا في التليفون وسألتي أنت مش عارف إني عاملة محضر، طيب أنت مش عارف أن بنتي مختفية وأنا هموت عليها، راح قفل التليفون في وشي، بعد ما قولتله أنا جيالك وهروح أعمل محضر، وقولت هروح أعمل إيه عند أخويا روحت على بيت والدتي تاني، وقعدت هناك مع أبويا، وأول ما دخلت لقيت جوزي وبنتي».

وأضافت سيدة الغربية «شوية ولقيت أخويا داخل وفي إيده كتر - سلاح أبيض - وبيشتم وداخل عليا روحت جريت منه على الأوضة وبقفل الباب هو فضل يزق الباب بإيده جامد لحد ما وقعت على الأرض راح طالع فوقي وضربني بالكتر من كتفي لحد بطني، وبعدها أبويا قدر عليه وخرجه بره الشقة».

وأختتمت أم رودنيا ضحية شقيقها في الغربية «روحت المستشفى عشان أتخيط الدكتور سألهم هو ده إيه، قالولوا لوح زجاج، قالهم مستحيل دي جريمة شروع في قتل، وسألني مين ضربك كدة هل جوزك مثلا، قولتله لا أخويا ضربني بـ كتر، وأتخيط 100 غرزة بسببه، وكان كل ما يقفلوا غرزة تفتح تاني بسبب الجرح».