المريضة ضربتنا وقريبتها طلعت سلاح من صدرها.. ممرضة مستشفى شبرا العام تفجر مفاجأة عن حادث قسم النساء|فيديو

تباشر النيابة العامة في القاهرة، التحقيقات في واقعة إصابة ممرضتين بمستشفى شبرا العام «كتشينر» على يد أسرة سيدة بعد وضع السيدة مولودها، حيث أصيب الأولى بجرح قطعي في الرأس والعين أفقدها رؤية العين اليسرى، والثانية بإشتباه إرتجاج في المخ.

نزل ينقذ حماه راح معاه.. مصرع مسن وزوج إبنته غرقا في الجيزة

مصرع محامية على الطريق الدائري أمام المحكمة الإقتصادية

تفاصيل التعدي على ممرضة مستشفى شبرا في القاهرة

والتقى موقع تحيا مصر بـ الممرضة الأولى التي شرحت تفاصيل الإعتداء عليها وزميلتها داخل مستشفى شبرا العام في القاهرة، وذلك أثناء تأدية واجبهم الوظيفي ورفضهم تسليم طفل حديث الولادة إلى أحد أقارب الأم.

وقالت الممرضة عائشة محمود ضحية أسرة المريضة بمستشفى شبرا العام في القاهرة، أنها تعمل في المستشفى بقسم النساء، وحضرت سيدة في حالة وضع وقامت بإدخالها الطوارئ بصورة سريعة قبل إنهاء الأوراق والإجراءات، وبعد الوضع إصطحبت الطفل الرضيع إلى الحضانة لوضعه تحت الملاحظة لمدة ساعتين.

ممرضة مستشفى شبرا: بنت عمة المريضة إعتدت على الممرضات

وتابعت الممرضة لـ تحيا مصر قائلة «وأنا موجود في القسم بعد 30 دقيقة من الوضع، جات لي بنت عمة المريضة وطلبت مني إستلام الطفل وقولت لها مش هينفع أديكي الطفل لأنه لازم التسليم يكون للأم أو الأب بموجب بصمات وإمضاءات وإرفاق بصمة قدم الطفل».

وأكملت ممرضة مستشفى شبرا العام في القاهرة، قالت لي هاتي الطفل بقولك وسابتني وجريت على الحضانة عشان تاخد الطفل، قالولها مينفعش إحنا مش بنسلمه إلا لممرضات النساء فقط، ومينفعش تاخديه، فرجعت تاني تقولي قومي هاتي العيل بقولك».

وأضافت الممرضة عائشة محمود ضحية مستشفى شبرا العام في القاهرة قائلة «راحت سابتني ودخلت تجري على قسم النساء وقولتلها تعالي هنا مش هينفع تدخلي القسم ده، أنا هطمنك عليها لكن هي كملت جري وبعدها قالتلي أنا مش هخرج وبعدها مسكتني من وشي ومن شعري وشدتني في الأرض».

ممرضة مستشفى شبرا تكشف مفاجأت في قسم النساء

زميلتي في الوقت ده كانت بتقولها سيبيها.. وأكملت ممرضة مستشفى شبرا العام قائلة «كل ده قدام غرفة المريضة، فجأة المريضة راحت شايلة المحلول وضربت زميلتي في رأسها بالحامل بتاع المحاليل، جالها إشتباه ارتجاج في المخ ووقعت على الأرض جت واحدة من ورايا وشدتني من هدومي وقعتني راحت الست مطلعة الة حادة وضربتني في وشي ودماغي محستش بالدنيا وأغمى عليا».

بعدها قالولي الدكاترة والتمريض خافوا يدخلوا في الواقعة كله كان واقف بيتفرج، وأنا ملحقتش أدافع عن نفسي، واحد مسكاني من ورا والتانية بتضربني من قدام بالسلاح، وهي طلعت السلاح ده من صدرها وضربتني بيه، والدكتور قالي في جرح في عينك 3 سم وأخد 6 غرز».

لما روحنا النيابة العامة في القاهرة، النيابة طلبت تقرير مفصل عن الحالة وروحت مستشفى الرمد قالولي عينك الشمال مش بتشوفي بيها أصلا، وعرفت ساعتها أن عيني راحت، وأنا مبقتش عارفة أعمل إيه أنا عندي طفل من ذوي الإحتياجات مين هيراعيه دلوقتي بعد عيني ما راحت».

وأختتمت ممرضة مستشفى شبرا العام «أنا عملت واجبي وأول ما الحالة جت دخلتها من غير ورق عشان نلحقها، دي أخرة الخدمة وأنا كنت فاكرة قريبتها عورتني بس لكن دي ضيعت مستقبلي وضيعت عيني».