فريدة سيف النصر تدعم محمد فؤاد بعد الهجوم عليه: كفاية ندبح فنانين كبار

دعمت الفنانة فريدة سيف النصر، الفنان محمد فؤاد بعد تعرضه للهجوم عقب إحياءه حفلة بالمملكة العربية السعودية، والتي أقيمت على مسرح بنش مارك.

تحيا مصر يرصد دفاع فريدة سيف النصر عن محمد فؤاد. 

فريدة سيف النصر تدافع عن محمد فؤاد 

وكتبت فريدة سيف النصر عبر حسابها الرسمي بموقع التواصل الاجتماعي فيس بوك: لله حسابات أخرى يا فؤاد يا محترم.. ما كفاية بقى يا جماعة تنمر وتنظير وتصيد أخطاء كفاية نذبح فنانين كبار على كلمة مجاملة اتقالت وهي صح عندهم أخلاق وحسن استقبال وكرم.

وتابعت: أنا لا بغني ولا بطبل ولا أنفع في العمر المحترم ده أعمل استعراض أو حفلة بأقول الحق ومش معنى أني أشكر في بلد يعني بلدي لأه، عمرو دياب أكتر واحد بيجامل بس مش بالميكروفون وهما يتجاملوا بيشغلوا الناس اللي نسيناهم إحنا، لظروفنا مفيش حفلات.. هما السعودية دي مش عرب زينا ولا إحنا لازم نقلب الدنيا على بعضها.

تعليق فريدة سيف النصر على الهجوم على محمد فؤاد

وأضافت فريدة سيف النصر: فؤاد محترم واللي في قلبه على لسانه مايستاهلش كده.. ولو كل واحد يلوم نفسه ويعاتبها على تصرف على صورة أو أي قرف مش هيتكلم على غيره.. إنسانيا بقى له كتير ماشتغلش وكان مريض.. مين عارف عملوا معاه إيه.. خلصنا بقى هو لا بنرحم ولا يعجبنا رحمة ربنا بعباده كفاية بهدلة في بعض..عيب ياحبايبي عيب.

على الصعيد الآخر، قالت فريدة سيف النصر خلال لقائها مع إيمان الحصري: أستاذ محمد سامي أنا معرفوش أول مرة أشتغل معاه، قولتله ليه جايبني في حاجة صغيرة ضيفة شرف، قالي أنا كنت عايز حد محترم مهزقش نفسه وتقيل، وكنت بصور جعفر العمدة وأنا رجليا تعبانة، ومحمد رمضان يخش عليا الاستديو يقولي يا وش الخير يا وش السعد.

فريدة سيف النصر مع إيمان الحصري

وتابعت: على السوشيال ميديا اللي بيعمل حاجة غلط بهزقه، والناس بتقولي بلاش أنتي عشان احنا بنحبك، ومن الحاجات اللي بتستفزني على السوشيال ميديا أوعي تيجي جمب مصر بأي شكل من الأشكال.

وقالت عن علاقتها بأحفادها: أنا جدة تافهة ولذيذة جدا، ومقلبني في إكسسواراتي، وباخد منهم إذن قبل ما أنزل.. وأنا مشتغلتش ولا اتجوزت تاني بسبب ابني، وكنت واخدة قرار بدا.. أنا أساسا صعيدية وتركيبتي زي أمي، ومقدرش أسيب ابني مع راجل غريب وأنزل الشغل.