بعد تألقها في جعفر العمدة.. هالة صدقي تتعاقد على مسلسل تونسي في رمضان 2024

كشفت النجمة الكبيرة هالة صدقي، عن تعاقدها على المشاركة في عمل تونسي جديد، من المقرر عرضه في السباق الرمضاني المقبل 2024، وذلك بعد تألقها في جعفر العمدة.

تحيا مصر يرصد تعاقد هالة صدقي على المشاركة في موسم رمضان 2024.

هالة صدقي في رمضان 2024

ونشرت هالة صدقي، مقطع فيديو  عبر حسابها الرسمي بموقع تبادل الصور والفيديوهات القصيرة إنستجرام، قالت فيه: صباحكم كله نجاح.. الحمد لله تم الاتفاق على مسلسلي الجديد بـ تونس، للعرض في شهر رمضان القادم، وسيكون التصوير بين جدة والقاهرة وباريس، دعواتكم وسأوافيكم بالتفاصيل.

تصريحات هالة صدقي في معكم منى الشاذلي

وقالت هالة صدقي خلال استضافتها في برنامج معكم والتي تقدمه الإعلامية منى الشاذلي ويعرض عبر قناة سي بي سي: نحاجي في مسلسل جعفر العمدة هو نجاح بنات جيلي لأن البعض مش مهتمين بينا وبينزلونا درجة تانية ومش بيدونا حقنا ومش بيستغلوا خبرتنا وبيستسهلوا.

وأضافت:  جيلنا كله مظلوم ومش مبسوطة من اللي بيحصل واحنا عندنا مواضيع مهمة ومش عندي مشكلة نشغل الشباب بس ناخد حقنا.

كما تحدثت هالة صدقي عن أزمتها الأخيرة وقالت: ماشية بمبدأ أمشي عدل يحتار عدوك فيك ولو صادقة وماشية صح كل حاجة هتبقى مظبوطة.

وتابعت هالة صدقي: تجازوت اللي حصلي ولا كأن في حاجة حصلت وبشكر ربنا أن تجربتي كانت تافهه وكانت مجرد شوية مشاكل وإجراءات وليها حل، وفي حاجات أصعب مكنتش هقدر عليها

كما كشفت هالة صدقي عن حبها الشديد للسباحة وقالت: بعوم ساعتين تلاتة وعمري ما أنسى إني سباحة ولو عندي مشاكل الدنيا ونزلت أعوم بنسى المشاكل لأنها الراحة بالنسبالي.

هالة صدقي تتألق في جعفر العمدة 

تحدثت الفنانة هالة صدقي عن  
كواليس مسلسل جعفر العمدة، وقالت: نجاح غير عادي وأنا مخضوضة مع إني لسه مخرجتش وسط الناس لكن شوفته على السوشيال ميديا، و أنا فرحانة بس مش فرحانة أنا ست كئيبة بطبعي لأني بسأل انتي هتعملي إيه بعد كده، وكان في كيميا عظيمة بيني وبين محمد رمضان وحلو لما يبقى الاتنين ممثلين وهو ممثل وشاطر وموهوب ولما احنا الاتنين مع بعض بنبقى شغالين على خط واحد وسامي معانا احنا التلاتة طلعنا مشاهد أكثر من رائعة،  نجاح شخصية صفصف كان بسبب محمد سامي.

وتابعت: بعد عرض الحلقة الخمسة جالي مكلمتين مهمين من ناس واتقالي كلام حلو قلقني وفي كاتب مهم قالي مسكت القلم عشان اكتب معرفتش أكتب عنك إيه وكنا في خامس حلقة وقعدت أعيط وأقول طيب أنا هعمل إيه بعد كده.