أنا عمرو دياب الغلابة وعملت جمعية قبل فرحي.. أبرز تصريحات حمو بيكا مع العرافة

حل مؤدي المهرجانات حمو بيكا اليوم ضيفًا على برنامج العرافة، الذي تقدمه الإعلامية بسمة وهبة، ويذاع على شاشة تلفزيون قناتي المحور والنهار، وأثناء الحلقة تحدث حمو عن الكثير من الأمور التي تخص حياته الشخصية والفنية، وفي ذلك التقرير يرصد موقع تحيا مصر أبرز تصريحاته في الحلقة.

أبرز تصريحات حمو بيكا

• حسن شاكوش مغرور ومتكبر
• أنا المدرسة اللي طلعت حسن شاكوش
• مفيش حد أحسن مني
• فرحي اتكلف ٥٠ ألف جنيه بعد ما عملت جمعية
• أنا شايف حسن شاكوش في حتة غلط، وبيسيب عروسته وبيروح يسهر مع صحابه
• حظي منيل في صحابي، أنا اللي ساعدتهم ومحدش ساعدني
• عمر كمال كان بياخد ٤٠٠ جنيه ودلوقتي بقى ٤٠، ٥٠ ألف
• أنا عمرو دياب الغلابة
• عمر كمال وهو بيغني في الاستديو صوته ضعيف، وحسن شاكوش بيصرخ
• أنا أعرف اغني اي حاجة بس معرفش اغني لعبد الحليم حافظ
• هاني شاكر قعدني في بيتي، ودعيت عليه عشان كنت مظلوم، وربنا جابلي حقي

حمو بيكا وخلافاته مع حسن شاكوش وعمر كمال

ويذكر، أن كشف مطرب المهرجانات الشعبية حسن شاكوش، حقيقة وجود خلاف بينه وبين زملائه في المجال عمر كمال وحمو بيكا، وذلك خلال تصريحات تليفزيونية.

قال حسن شاكوش: مفيش مشاكل تجمعني مع حمو بيكا وعمر كمال ولو كان في حاجة كانت مشاكل عائلية، وطول الوقت بقول في أي لقاء عمر كمال وبيكا دول الفردتين بتوعي زي باك اليمين وباك الشمال.

وتابع: مقدرش استغنى عن عمر كمال وحمو بيكا لأن هناك عيش وملح وشغل كتير بينا فوق 35 أغنية مع بعض وأتمنى ليهم النجاح.

حمو بيكا وتصريح نقابة المهن الموسيقية 

ومن جانب آخر كان بيكا قد حصل على تصريح سنوي من نقابة المهن الموسيقية بقرار من مصطفى كامل وذلك بالغناء، ووعد بيكا جمهوره بـ أن يسير على تعليمات نقابة المهن الموسيقية، التي فرضها الفنان مصطفى كامل على مطربي المهرجانات الشعبية، وقال: أعد الجمهور والنقابة بتقديم فن جيد يليق بالمجتمع المصري، وسأكون حريصا على وجود كلمات بها نصائح للشباب وتدعمهم ليكونوا أفضل دائمًا، وأتمنى أن أكون عند ثقة الجمهور، من جانبه لاقي حمو بيكا دعم كبير من الجمهور.