مأساة زوجة: ضربني روسية في راسي عشان حطيت القطايف باردة على الفطار

جوزى بيضربنى على أتفه الأمور وفاكر أنه كدة بيأدبنى... بتلك الكلمات روت زوجة لتحيا مصر من داخل محكمة الأسرة عن زوجها الذى أعتاد التعدى عليها بالضرب حتى أصابها بجروح بالغة فى الوجه معتقداً أنه هكذا يعلمها كيف تكون زوجة مثالية له حتى نفرت منه ومن أسلوبه وقررت الأنفصال عنه ورفع عليه دعوى خلع بمحكمة الأسرة .

مأساة زوجة: جاب جارتى البيت ولما قفشتهم قالى كنا بنعلق زينة رمضان

حسن الخاتمة.. ماتت صائمة معتمرة ودُفنت في أطهر بقاع الأرض|قصة الحاجة هبة

جوزى عنده عضلات وبخاف منه 

بدأت الزوجة حديثها لتحيا مصر :" أنا وجوزى متجوزين من 8 سنين وعندنا بنت وولد جوزى شغال مدرب فى صالة رياضية وجسمه مليان عضلات  وده كان عاجبنى فى قبل الجواز والناس كلها لما كانوا بيشوفوه معايا كانوا بيحسدونى عليه وبيقولولى " يا بختك لو أتحطيتى فى اى مشكلة جوزك هيجيبلك حقك " ولكن عنيهم الوحشة وحسدهم خلوا جوزى يستخدم قوته دى عليا لحد ما بيتى أتخرب ".

بيضربنى طول الوقت وبيقولى هو ده الجواز 

وتابعت الزوجة حديثها :" بعد الجواز وعلى مدار 8 سنين عيشتهم مع جوزى كان دايماً بيضربنى ويبهدلنى على أبسط الأمور ومن المواقف اللى مش قادرة أنساها لما ضربنى عشان مسكت تليفونه بدون علمه ومرة تانية لما ضربنى عشان رجعت البيت من عند والدتى متأخر ومواقف تانية كتير مش قادرة أنساها وكان دايماً بعد ما بيهدا بييجى يقولى " هو ده الجواز أنا لازم أعاملك كدة عشان تركزى دايماً وتتأدبى على غلطك وتبقى زوجة مثالية " لكن أنا كان بيبقى جسمى ووشى أتشوهوا من الضرب خصوصاً أنه ممكن مرة يضربنى بأيده وأوقات تانية كان بيضربنى بأى حاجة ناشفة تيجى قدامه زى العصاية او الجزمة وده كان بيحسسنى بإهانة هفضل عمرى كله مش ناسياها ".

ضربنى بالروسية بسبب قطايف باردة على الفطار 

وأختتمت الزوجة حدثها باكية :" كان أول يوم رمضان وكنت عازمة أهل جوزى كلهم على الفطار ومن الزحمة اللى كانت فى البيت وطلبات ولادى الكتير وصيامى الللى كان مخلينى واقفة فى المطبخ وبعمل الأكل وأنا تعبانة بعد ما حطيت ووزعت الأكل كله على السفرة كانت القطايف بردت وجوزى بيحبها سخنة راح فضل يزعق فيا ويشتمنى قدام أهله ويقولى " أنتى هتفضلى فاشلة فى شغل البيت لحد أمتى ؟ " وطبعاً أهله كلهم كانوا شمتانين فيا روحت رديت عليه " فاشلة عشان حطيتلك القطايف باردة شوية ؟ كلها وهى كدة مش هيجرالك حاجة " راح أول ما سمع ردى عليه ضربنى بالروسية في دماغى وحرمنى من الفطار معاهم وقالى " عشان تبقى تردى على جوزك بقلة احترام كدة تانى " أنا مش عارفة أنا عملت أية لكل ده ؟ أنا طول الوقت بحترمه ويأذينى وأسكت وبخدمه وبخدم ولادى على أكمل وجه لية من أبسط غلطة بينسالى اى حاجة كويسة ويتعمد يهيننى ويضربنى حتى لو قدام الناس ؟ أنا عايزة أخلعه ومش قادرة أعيش لحظة تانية معاه ومش هستنى لما يقتلنى فى أيده المرة اللى جاية وأنا مليش اى ذنب ومستاهلش أعيش حياة زى دى ".