ياسر جلال: مبعرفش أتكلم عن شغلي.. وبخاف أفشل لأن مفيش فرصة للتعويض

كشف الفنان ياسر جلال عن السبب وراء ابتعاده عن الظهور في وسائل الإعلام، وذلك خلال لقاءه ببرنامج مساء دي إم سي مع الإعلامي رامي رضوان.

تحيا مصر يرصد تفاصيل تصريحات ياسر جلال مع رامي رضوان

سبب عدم ظهور ياسر جلال للإعلام

حيث قال ياسر: بيجي لي دوخة لما بطلع في أي برنامج وبكون مش مرتاح وطاقتي كلها بتخلص في الشغل ومبعرفش أتكلم عن شغلي.

وتابع: بسيب النقاد هما اللي بيتكلموا وبتقبل كل حاجة، لأن مفيش حد كبير على النقد، واللي بيزعل من النقد ميبقاش تحت الضوء، وأهم شيء تكون راضي وضميرك مرتاح.

انتقاء ياسر جلال لأعماله الفنية

وعن الطريقة التي يتبعها الفنان ياسر جلال في انتقاء أعماله الفنية، قال: أنا بيهمني أنقي عمل حلو وكل أعمالي الأخيرة الحمد لله ربنا كرمني وفيها حاجة تتشاف، وأنا بختار أعمالي تكون فيها دراما قوية والحدوتة يكون فيها تصاعد وصراع لأن لازم يحصل صراع ويتبني عليه أحداث.

واضاف: فيه أعمال أفكارها غريبة وأنا مش بحبها، أنا بحب الحاجات اللي اتربينا عليها، والمجازفة بالنسبالي محسوبة؛ وبخاف أفشل لأني معنديش فرصة للتعويض، مبقاش في عمري الفني بقية كبيرة، ولكن أنا بردو شخص رومانسي وبحسب كل شيء بالعاطفة وفي نفس الوقت فيا طابع شرقي.

أشرف زكي يكشف لفتة إنسانية لـ ياسر جلال مع زملائه

وعلى الصعيد الآخر، حرص الدكتور أشرف زكي التعليق على تبرع الفنان ياسر جلال بـ 3 مليون جنيه لصالح صندوق تحيا مصر، وكشف عن لفتة إنسانية يقدمها “جلال” للنقابة كل فترة.

حيث قال أشرف زكي في مداخلة هاتفية له بأحد البرامج التلفزيونية: “ياسر جلال من أكتر الفنانين المتبرعين لزملائهم المحتاجين في النقابة ومن أيام قليلة جدا بعت لي تبرع كبير لزملائه في النقابة".

وتابع: "وكان شرطه الأساسي عدم الإفصاح عن تبرعه وقال لي لو أعلنت هقاطعك ولكن آن الأوان نوضح معدن الفنان دا، وبقوله سامحني ولكن الوقت جه للإفصاح عن اللي بتعمله من أعمال خير”.