تامر هجرس: بحس وسامتي وسامة قلب.. وأحمل جنسية تانية

كشف الفنان تامر هجرس عن أصوله الغير مصرية، وعدد اللغات التي يتحدث بها، وذلك خلال لقاء له ببرنامج أسألني على الصفحة الرسمية لقناة سي بي سي.

تحيا مصر يرصد تفاصيل تصريحات تامر هجرس

لغات تامر هجرس

حيث قال تامر: عندي جدة من سوريا وجدة من إنجلترا بس أبويا وأمي مصريين، عندي جنسية تانية بس مش هقول، وتكلم إنجليزي وعربي وبفهم فرنساوي واتعلمت إسباني وبمشي حالي يوناني.

وتابع: اتعلمت أسباني وفرنساوي في المدارس، واليوناني عشان كنت بروح اليونان كتير جدا، ودلوقتي بروحها أكتر، وإنجليزي عشان جدتي إنجليزية فكنت بتكلم إنجليزي كتير أوي في البيت، والعربي عشان احنا مصريين.

تامر هجرس: وسامتي وسامة قلب

وفي الحلقة ذاتها، تحدث تامر هجرس عن رأيه في وسامته وقال: بحس وسامتي وسامة قلب مش أكتر، هما الناس اللي بتقول غير كدا بس أنا مش شايف دا بس الحمد لله وبشكر أي حد بيقول أكتر من كدا، وموديل الإعلانات اللي بيميزه شكله قبل أي حاجة.

تامر هجرس: الراجل بيكمل بالست.. لو هي مبسوطة أنت هتبقى مبسوطة 

وفي وقت سابق، تحدث الفنان تامر هجرس عن دور المرأة ومدى تأثيرها في العلاقات أكثر من الرجل، وذلك خلال لقائه ببرنامج الستات ميعرفوش يكدبوا. 

وقال تامر هجرس: الراجل بيكمل بوجود الست في حياته، اكتر من العكس.. بحس الراجل بجد راحة باله التامة برضا المرأة اللي في حياته، بعد رضا ربنا اولًا.

وتابع: الملخص لو هي مبسوطة أنت هتكون مبسوط.

بداية تامر هجرس الفنية 

وبدأ تامر هجرس مشواره التمثيلي بشكل إحترافي بفيلم بركان الغضب عام 2002، بعد مشاركته في فيلم أيس كريم في جليم بطولة عمرو دياب عام 1992.

وكانت أنطلاقته الحقيقية بعد مشاركته في فيلم التجربة الدنيمركية بطولة الزعيم عادل إمام، بتقديم دور أحد ابناءه عام 2003، وبعدها توالت أدواره في الأفلام والمسلسلات، وكان من أبرز الأعمال التي شارك فيها هم مسلسل خاص جدًا ومسلسل شربات لوز من بطولة الفنانة يسرا، ودوره في فيلم عمليات خاصة التي عُرض عام 2007، هذا إلى جانب عدد من المسلسلات والأفالم التي شارك فيها كضيف شرف مثل مسلسل عايزة أتجوز، وجوز ماما.