سامح حسين: اتعرضت لمخاطر وأنا بشتغل نقاش.. وكنت مسرف جدًا

تحدث الفنان سامح حسين عن تفاصيل عمله في النقاشة وهو في مرحلة الثانوية، وذلك خلال لقاءه اليوم ببرنامج “واحد من الناس”، مع الإعلامي عمرو الليثي.

تحيا مصر يرصد تفاصيل تصريحات سامح حسين

حيث قال سامح: “كنت في الثانوية وكنت دايما بشتغل ما بين الإجازات، فكنت بشتغل على واجهة بتاعت عمارة، وطلعنا في الدور الـ 17، على سقالة، واللي قصادي ضخم وأنا نحيف، فهو بيطلع بسرعة، وأنا بطلع ببطء، وفجاة السقالة نزلت حوالي 5 سم”.

وتابع: “لما نزلت كان قلبي واقع وشعري طئطئ أبيض، أنا بصبغ شعري من ثانوية عامة بسبب النقاشة، وياما اتكهربت”.

سامح حسين: كنت مسرف جدًا

كما كشف سامح أنه كان مسرف في الماضي، حيث قال: “كنت مسرف جدا، لكن خلاص اكتشفت أنا مش هعيش دايما الفلوس اللي بتجيلي اصرفها في ثواني، وبعدين أقوم مايل على صحابي أو على خالي عشان أخد فلوس، فقولت خلاص ألم نفسي، لكن كنت مسرف جدا”.

تفاصيل فيلم “ساندويتش عيال”

وفي الحلقة ذاتها، تحدث الفنان سامح حسين عن تفاصيل فيلمه الجديد “ساندويتش عيال”، الذي من المقرر طرحه في دور العرض قريبًا، حيث قال: “دا فيلم أنا كنت شاريه من 2018، لأني مقتنع جدًا بالقضية اللي بتتناقش فيه، احنا عندنا في مصر احصائيات في 2022 660 ألف حالة طلاق في السنة، احنا عندنا 15 مليون قضية طلاق في المحاكم، وسيادة الريس دلوقتي مهتم، بتغيير قانون الأسرة، والفيلم دا معني بالموضوع دا”.

وتابع: “لذلك أنا كنت شاري السيناريو، ومهتم جدًا أني أعمله، عن زوج وزوجة الخلافات بينهم، وتأثيرها السلبي على الأطفال، فالفليم بيناقش حقوق الأطفال، وأستاذ أحمد السبكي اتحمس جدًا للفكرة، فيارب إن شاء الله ينزل قريب”.

عودة القبطان عزوز

وفي وقت سابق، فاجأ الفنان سامح حسين جمهوره بتقدم موسم جديد للمسلسل الكرتوني القبطان عزوز وذلك من خلال مقطع فيديو نشره عبر حسابه الرسمي بموقع تبادل الصور والفيديوهات انستجرام.

قال سامح حسين خلال الفيديو مشيرًا إلى عودة مسلسله الكرتوني القبطان عزوز: "حبايبي إن شاء الله القبطان عزوز وارجعلكم تاني بس يا ترى راجعلكم المرادي إزاي أنا راجع علشان أدور على صحابي".