بيغيظ صحابه بيا.. زوجة للقاضي: جوزي بيحكي عن العلاقة بينا لصحابه الرجالة عشان يغيروا منه

جوزي عنده نقص وبيحب  يعمل نمرة علي صحابه حتي لو علي حساب شرفي.. بتلك الكلمات روت زوجة لتحيا مصر من داخل محكمة الأسرة عن زوجها الذي لا يكشف خصوصيتهما أثناء العلاقة الزوجية كما يكشف مميزاتها أيضاً كزوجة وامرأة  أمام اصدقائه الشباب ليشعرهم بالغيرة منه ومن حياته الزوجية . 

جوزي عنده نقص وبيغير من الناس كلها 

بدأت الزوجة حديثها لتحيا مصر: "أنا وجوزي متجوزين من 5 سنين وعندنا بنتين تؤام جوزي راجل كويس وبيحبني ومرتاح مادياً لكن عنده عيب كبير كنت بحسه لوحدي وبتكسف اواجهه  بيه وهو أنه بيغير من الناس كلها ومبيحبش يشوف حد أحسن منه ودايماً بيدخل نفسه في منافسه مع صحابه حتي لو هما بيحبوه وده بنسبالي بسميه نقص لأن الراجل اللي عنده ثقة في نفسه مش هيهتم بالحاجة اللي في أيد غيره ولا هيغير من حد ولما كنت أحياناً الاقيه بيتكلم عن واحد من صحاب عمره وحش لمجرد أنه اشتري عربية جديدة او اشتغل شغلانة جديدة واقوله " فيها أية ما تسيبهم يفرحه برزقهم ؟" يقولي " لا دول بيحاولوا يبقوا زيي ومش هيعرفوا". 

جروب الواتس اللي بين جوزي وصحابه هو اللي فضحه 

وتابعت الزوجة: "عيشت مع جوزي 5 سنين مستحملة طبعه الحقود وبقول عادي مفيش راجل كامل في كل الأحوال لحد ما حصل اللي قهرني وخلاني اكره جوزي وبتمني اخلص منه بأي شكل جوزي كان بيستحمي في مرة وناس زمايله في الشغل بيرنوا عليه فـ نده عليا وقالي " اقفلي عليهم لحد ما اخرج " وفي الوقت ده وأنا ماسكة تليفونه لقيت رسايل غريبة ومش كويسة بتتبعت في الإشعارات من صحابه علي جروب الواتس بينهم وكان من ضمن الرسايل دي حاجات عني وعن العلاقة الزوجية بيننا وبيحكيها لصحابه عادي". 

«اشتغلت سواقة عشان اساعاد جوزي وفي الآخر طلقني».. مأساة زوجة

عنيدة ودماغها ناشفة.. زوج للقاضى: مراتى بتنيمني على الأرض في كل خناقة بيننا ومبترضاش تأكلني

باعتلهم صور ستات وبيقولهم شبه جسم مراتي 

واختتمت الزوجة حديثها متأثرة :" لما جيت افتح الرسايل دي بتركيز لقيت جوزي باعت لصحابه صور ستات مش كويسة ولابسين قمصان نوم وبيقولهم " شبه جسم مراتي بالظبط " وهما بيقولوله "يا بختك .. احنا مش لاقيين ربعها “ولما رجعت للرسايل القديمة لقيته بيقولهم” مراتى مبتشبعش وكل ما تحصل بيننا العلاقة أنا اللي بيتهد حيلي منها "وقفت في ذهول وكنت بسأل نفسي" ازاي جوزي عشان يغيظ صاحبه ويخلق جواهم الغيره  ناحيته يكون ده علي حساب شرفي أنا ؟" فضلت ابكي وأنا ماسكة التليفون وهو لما خرج من الحمام وشافني كدة قولتله " أنا كنت فكراك راجل وشرفي من شرفك لكن طلعت أنسان مريض ومحتاج تتعالج من النقص اللي عندك" وهو كان رده "ده هزار بيننا مش أكتر ومتفهمينيش غلط" كلامه خلى الدم بيغلي جوايا أكتر وأكتر وصممت أني اخلعه في المحكمة لأن راجل زي ده مطمنش للعيشة معاه ولا أطمن علي بناتي وهو اللي بيربيهم هو أنهاردة بيحكي عني لصحابه معرفش بكرا ممكن يعمل أية ويبعتلهم أية ؟ عوضي عند ربنا وحقي هجيبه بالقانون".