أول ظهور لـ علا غانم من داخل المستشفى قبل خضوعها لعملية جراحية

تداول رواد السوشيال ميديا صورة للفنانة المصرية علا غانم من داخل المستشفى قبل خضوعها لعملية جراحية، إثر إصابتها بارتجاج في المخ.

تحيا مصر يرصد أول ظهور للفنانة علا غانم من داخل المستشفى.

أزمة علا غانم الصحية

وكان كتب هاني عزب عبر صفحته الرسمية بموقع التواصل الاجتماعي فيسبوك: علا غانم تخضع لعملية جراحية صباح غداً السبت بعدما تم إكتشاف اصابتها بشرخ في أصبع اليد اليسري.

علا غانم تتعرض لوعكة صحية

وتابع: إصابات علا بالغة الصعوبة حيث تعاني أيضا من شرخ فى الضلع السادس  بالقفص الصدري بجانب تعرضها لارتجاج فى المخ.

وأضاف: على مدار 3 أيام كانت في منزلها ولم تكتشف تلك الإصابات كانت تتعامل معهم علي اساس إنهم كدمات نتيجة التعدى الذى وقع عليها من قبل زوجها  بمعاونة آخرين.

واختتم حديثه قائلًا: علا كانت تعانى من السخونية الشديدة وبسبب الارتجاج كانت في حالة عدم تركيز ونائمة طوال الوقت وبعد عرضها علي الطبيب تم إكتشاف الإصابات البالغة وتحديد الجراحة العاجلة التى ستخضع لها.. ٣ ايام تعانى من السخونية.. وبتتعرض للاغماء وفي حالة عدم تركيز.

أزمة علا غانم مع زوجها

وروت علا غانم تفاصيل أزمتها مع زوجها خلال مداخلة هاتفية ببرنامج الحكاية قائلة: يوم الجمعة بعد الصلاة لقيت أحد الغفراء بيقولي انه فيه ناس جاية وكانت عربيات عليها ناس كتير وبيقول ان اللي جايين بيقولو انهم تبعي، وأنا ما أعرفش ولا واحد فيهم.

وتابعت علا غانم حديثها: كانوا بيحاولو يقتحموا البوابة عشان يدخلوا الناس و20 بني أدم رجالة وستات كانو كتير جدا، وكل أما أدخل مع حد بيضربوني ويكتموني، وضربوا الغفرا بتوعي بالشوم، وأمي اعتدوا عليها.

وأضافت: الست كانت حاطة وشي في صدرها عشان مطلعش صوت وأما واحد حس إني قربت أموت قالولها كفايا كدة، وكانوا بيمسكوني من الروب ويرموني على الأرض.

وأردفت: أما روحنا القسم زوجي قال إن البيت بتاعه وهي اللي نطيت من السور واقتحمته، والبيت بتاعي أنا من زمان من قبل ما اتجوزه، وقالولي في القسم يا تتصاحلي وتخليه يعيش في نص البيت يا إما هتفضلي معنا إنتي ومامتك في القسم وأنا رفضت.

واستطردت: كان مستنيني في بيتي وأول ما عرف إني جاية قعد يقول متضربوش عليها نار كان فاكرني جاية لوحدي وضرب الغفرا بتوعي كلهم.

واختتمت علا غانم حديثها، قائلة: جوزي قاعد في بيتي دلوقتي مع الناس اللي رموا عليا مولتوف.