بيحب البنات.. زوجة لمحكمة الأسرة: جوزي مرضيش يعترف بإبنه وبيقولي كان نفسي في بنت

جوزي سابلي البيت لما عرف من الدكتور إني حامل في ولد ومشوفتوش من وقتها.. بتلك الكلمات روت زوجة لتحيا مصر من داخل محكمة الأسرة عن زوجها الذي تركها بعد أن علم أن زوجته حامل في ولد وليس بنت كما كان يريد ليصل به الأمر إلي أن يترك لها المنزل ويرفض تسجيل الطفل بإسمه في السجل المدني . 

جوزي أخ لـ6 بنات وهو الدلوعة بتاعتهم 

بدأت الزوجة حديثها لتحيا مصر :" أنا وجوزي متجوزين من سنة واحدة وهو يبقي جاري في العمارة اعجب بيا وطلب أيدي للجواز وأنا وافقت جوزي عنده 6 أخوات بنات وهو يبقي السابع بتاعهم وكانوا مدلعينه جداً وأنا عشان السبب ده مرضيتش اعيش مع جوزي في بيت عيلة وتعمدت أننا نعيش في بيت مستقل عشان ينفصل عن أخواته ويبقي معايا ومع ولاده وبس لأنه كان عايش وسطيهم مش شايل اي مسؤولية وده كان أحياناً بيخوفني لكن كنت حباه ومتمسكة بيه وقولت أكيد هيتغير معايا ".

وداني لدكاترة عشان يتحكموا في نوع الجنين وتطلع بنت 

وتابعت الحديث :" جوزي من ليلة الدخلة وهو بيقولي أن نفسه في بنت عشان الولاد شقاوتهم وحشة ولما بيكبروا بيعملوا مشاكل كتير لكن البنات حلوين وبيحلوا كمان العيشة لأنهم هاديين وطيبين لكن أنا كلامه مكنش بيعجبني وكنت دايماً اقوله " دي حاجة في أيد ربنا مش في أيدينا " لكن هو مكنش بيسمعلي ووصل بيه كمان الموضوع أنه كان بيسأل دكاترة إذا كان في إمكانية أننا نتحكم في نوع الجنين لكن كانت بتبقي كلها إحتمالات ضعيفة  جوزي حبه للبنات ناتج عن تربيته وسطهم وبالرغم من أني كنت متمسكة بيه في البداية لكن تصرفاته وأنا حامل كانت عاملة حاجز بيني وبينه لأني كنت فكراه هيكون شخص عاقل ويرضي باللي ربنا قاسمهولنا لكن هو مكنش كدة وكان عايز اللي في دماغه بس اللي يحصل ". 

عايزني احميه وأوكله في بوقه.. سيدة للقاضي: جوزي طلقني عشان مش بدلعه زي ولادي

مبيتبلش في بوقه فولة.. زوجة للقاضي: جوزى طيب وبينقل الكلام زي الستات

جوزي سابلي البيت ومشي لما عرف أني حامل في ولد  

واختتمت الزوجة حديثها :" روحنا أنا وجوزي للدكتور بعد ما إدانا معاد نروح نعرف نوع الجنين واليوم ده من بعده وأنا حياتي في خراب جوزي كان رايح وهو فرحان وبيقولي " عايزين نلحق بعد الدكتور نجيب لبس بناتي يبقي علي قدها ونعمل قعدة مع عيلتي وعيلتك عشان نختار كلنا أسم حلو ليها أنا عارف أن ربنا بيحبني وهيرزقنا ببنت أن شاء الله " كنت بسمع كلامه ومش بقدر انطق وهناك عند الدكتور عرفنا أني حامل في ولد ومن هنا بدأت كل المشاكل جوزي اليوم ده لم هدومه كلها من البيت وسافر سوهاج عند عماته وقبل ما يمشي قالي " ربي أنتي بقي الواد لوحدك وأنا هتجوز واحدة تجيبلي البنت " والله أعلم إذا كان فعلاً اتجوز ولا لا وطبعاً كل أهله وأخواته محدش منهم راضي يكون جنبي وفي صفي وحتي يوم ما ولدت أبني مرفعش عليا سماعة تليفون وإبني دلوقتي كمل الشهرين كل اللي قدرت اعمله أني أوكل محامي عشان ارفع دعوى اثبات نسب واشوف أية الإجراءات اللي مطلوبة مني كمان في السجل المدني جوزي كسلي فرحتي ومش عارفة اواجه أبني أزاي لما يكبر ويلاقي أبوه مبيحبهوش ومعترفش بيه لكن  عندي أيمان كبير في ربنا أنه هيجيبلي حقي ويعوضني خير ".