عايزني احميه وأوكله في بوقه.. سيدة للقاضي: جوزي طلقني عشان مش بدلعه زي ولادي

جوزي بيغير من ولاده وبيقارن بيني وبين الستات اللي في الأفلام ... بتلك الكلمات روت زوجة لتحيا مصر من داخل محكمة الأسرة عن زوجها الذى يطلب منها أن تدلله كالأطفال وإذا رفضت مطلبه يقوم بتعنيفها ومقارنتها بالزوجات الأخريات اللواتي يظهرن في الأفلام مما يشعر الزوجة بالتعاسة في بيتها حتي قررت طلب الطلاق من زوجها ومطالبته باللإنفاق في محكمة الأسرة .   

جوزي شخصيته قوية بس بيحب الدلع 

بدأت الزوجة حديثها لتحيا مصر :" أنا وجوزي متجوزين من 7 سنين وعندنا بنت وولد جوزي من يوم ما عرفته وهو شخصيته قوية والناس كلها بتعمله ألف حساب وده اللي حببني فيه وهو كان زي اي راجل بيحب الدلع اللي بين الراجل ومراته كان بيطلب مني ارقصله واتكلم معاه بدلع والبسله لبس من اللي بيحبه وكل ده أنا مكنتش معارضة فيه لأنه من حقه لكن الوضع بدأ يبقي مش مريح ومفيش زوجة عاقلة تقدر تتحمله ". 

بيطلب مني أوكله في بوقه واحميه 

وتابعت الزوجة :" جوزي في الفترة الأخيرة من جوازنا ومن سنة بالظبط بدأت احس أنه بيغير من أهتمامي بعيالي وعايزني اعامله زيهم في الأول طاوعته عشان ميزعلش لكن بعد كدة الموضوع زاد عن حده وبقي أرهاق ليا لأنه عايزني طول الوقت وأحنا قاعدين علي الأكل أوكله في بوقه زي عيالي وبطل يدخل يستحمى غير لو أنا اللي دخلت حميته ومسمى ده دلع لكن أنا تعبت وكفاية عليا المجهود اللي ببذله مع عيالي وفي المطبخ وفي التنضيف يزيد عليهم كمان طلبات جوزي الغريبة وهو راجل كبير ويقدر يعمل كل حاجة لنفسه".  

مبيتبلش في بوقه فولة.. زوجة للقاضي: جوزى طيب وبينقل الكلام زي الستات

جوزي مش راضي يعترف بيا وبيقولي اتسرعت ومكنتش لسة عرفت ستات أحلي منك.. مأساة زوجة

الأفلام والمسلسلات سيطرت علي دماغ جوزي 

واختتمت الزوجة :" جوزي عشان يخليني ادلعه بالشكل اللي هو طالبه بدأ يقارن بيني وبين الستات اللي في المسلسلات والأفلام ويقولي " اتعلمي منهم بصي الست منهم بتبقي قاعدة تحت رجلين جوزها أزاي ومش مخلياه يمد أيده في حاجة " ولما اقوله " حرام عليك وكفاية تعب ومجهود البيت والعيال " يقولي " خلاص براحتك بس متزعليش لما تلاقيني اتجوزت عليكي " كل ده وأنا ساكتة لحد ما وصل بيه الموضوع أنه يقارن بيني كمان وبين قرايبه وستات يعرفهم في الحقيقة وبيغيظني بيهم بالأسم عشان ابقي زيهم لكن أنا برضه مهمنيش وآخر ما تعبت منه طلبت الطلاق عشان ارتاح وهو مترددش لحظة ورمي عليا الطلاق في لحظتها ومدوخني في المحاكم عشان يبعتلي نفقة لعيالي منه لله استحملته وجيت علي نفسي عشانه وفي الآخر طلقني ورمي عياله ".