جوزي مش راضي يعترف بيا وبيقولي اتسرعت ومكنتش لسة عرفت ستات أحلي منك.. مأساة زوجة

اتجوزنا عرفي عن حب ودلوقتي عامل نفسه ميعرفنيش ... بتلك الكلمات روت زوجة لتحيا مصر من داخل محكمة الأسرة عن زوجها الذي تزوجها عرفي بسبب سوء الأحوال المادية وأنهم كانوا مازالوا في مرحلة التعليم الجامعي واعتقدت الزوجة أن بعد أنتهاء تلك الفترة وبمجرد أن يجد زوجها وظيفة سوف يتزوجها رسمياً ولكن اكتشفت أنه كان يخدعها وأنها كانت لغرض التسلية والأستمتاع في حياته فقط . 

اتجوزنا عرفي عشان مكنش معاه فلوس 

بدأت الزوجة حديثها لتحيا مصر :" أنا وجوزي اتجوزنا أيام الجامعة عن قصة حب كبيرة اتجوزنا عرفي عشان جوزي في الوقت ده كان لسة بيدرس ومش بيشتغل فبالتالي مكنش هيقدر يطلب أيدي من اهلي في الوقت ده وأنا عشان بحبه وافقت وسلمتله نفسي وصدقت كلامه ووعوده ليا خصوصاً أن فعلاً كانت كل افعاله بتدل أنه عمره ما هيخذلني في يوم من الايام ". 

ضحك عليا بعد الجامعة وبدأ يتهرب مني

وتابعت الزوجة :" بعد ما اتخرجنا أنا وجوزي من الكلية وهو اشتغل وبدأ يبقي معاه فلوس فاتحته في موضوع أننا نتجوز رسمي وكفاية كل المدة دي مع بعض في السر لكنه في الفترة دي كان بدأ يتغير معايا وأوقات كنت بحسه بيتهرب مني وكان بيغيب ويختفي عني بالأيام وبعدين يرجع اكن مفيش اي حاجة لكن أنا كنت بفضل وراه وبحاول اوصله بأي طريقة لأني كنت عارفة أنه لو سابني محدش هيرضي بيا ". 

مفهماهم أنها أرملة..زوج للقاضي: مراتي مصورة نفسها مع رجالة وصاحبي اللي كشفها

مش سايب بنات الناس في حالهم.. زوجة للقاضي: جوزي بيرجع البيت كل يوم مضروب وهدومه متقطعة

قالي أنا اتسرعت وعرفت ستات احلي منك 

واختتمت الزوجة حديثها :" هددت جوزي في مرة أنه لو متجوزنيش رسمي أنا هعرف أهله والدنيا كلها باللي بيننا وهرفع عليه قضية أثبات زواج لكن هو افتكرني بقول كلام وخلاص وقالي " جواز رسمي أية اللي أنتي عايزاه أنا اتسرعت وقتها وكنت لسة معرفتش ستات حلوة اشكال والوان وكانت نظرتي محدودة عليكي أنتي بس بسبب سني الصغير " وعملي حظر من كل حتة وبالفعل بعدها عرفت أنه خطب واحدة رسمي وسابني أنا اتقهرت ودخلت في حالة نفسية صعبة وجيت المحكمة بالورق اللي معايا ارفع عليه قضية أثبات زواج وأملي في ربنا والقانون كبير أنهم يجيبولي حقي منه ".