مش سايب بنات الناس في حالهم.. زوجة للقاضي: جوزي بيرجع البيت كل يوم مضروب وهدومه متقطعة

 جوزي عامل قدامي بيحبني ومن ورايا مش سايب بنت في حالها .. بتلك الكلمات روت زوجة لتحيا مصر من داخل محكمة الأسرة عن زوجها ذو العلاقات المتعددة مع فتيات في مختلف الأعمار مما وضعه ذلك في مواقف  شديدة القسوة حيث تم ضبطه أكثر من مرة من قبل أهالي تلك الفتيات ولقنوه ضرباً مبرحاً ولكنه لا يتعظ ويصر علي السير في هذا الطريق غير مراعياً مشاعر زوجته او أبنائه . 

جوزي بيحب البنات زي عنيه 

بدأت الزوجة حديثها لتحيا مصر :"  أنا وجوزي متجوزين من 13 سنة من لما كان عمرنا في الـ20 أتجوزنا بدري عشان حبينا بعض وجيبنا 3 أطفال جوزي من زمان وأنا عارفة أنه بيحب البنات والستات بيحب يتفرج عليهم ويكلمهم ولو أمكن كمان يبقي علي علاقة بيهم مش بيفوت الفرصة دي وأنا علي مدار أول 10 سنين جواز كنت بعرف ده من تليفونه كذا مرة لما كنت بلاقي رسايل وصور ولما اواجهه بيها يقولي أنها كانت نزوة وراحت لحالها وأن مفيش في قلبه غيري وأنا عشان كنت مش عايزة اخرب بيتي كنت بسامح واعدي". 

بيرجعلي البيت مضروب وهدومه متقطعة 

وتابعت الحديث :" جوزي في آخر 3 سنين بقي بيرجعلي البيت كل يوم فيه حاجة غريبة بيبقي مضروب ومتعور وهدومه متقطعة ولما كنت بسأله كان بيقولي أنها خناقات علي فلوس بينه وبين رجالة يعرفهم عايزين ينصبوا عليه فكان بيدخل معاه في جدال بيوصل للمشادة الكلامة والضرب لكن أنا قلبي مكنش بيصدقه لأن من حبي لجوزي لما بيكدب عليا بحس لكن كنت ببقي مضطرة اعمل نفسي مصدقاه واداويله الجروح اللي بتبقي في وشه وجسمه من آثار الضرب ".

نصبت عليه في 60 ألف جنيه.. زوجة للقاضي: جوزي اتعرف علي واحدة خربتلنا بيتنا

مراتي هددتني تحرمني من العلاقة لو مجيبتلهاش عربية تتفسح بيها.. مأساة زوج

جوزي بيتضرب من أهالي البنات اللي بيضحك عليهم 

واختتمت الزوجة حديثها :" بالصدفة عرفت من البقال اللي جنب بيتنا أن جوزي أمبارح كان في رجالة ماسكينه ونازلين فيه ضرب قدام باب عمراتنا الساعة 3 الفجر وقتها كنت أنا وولادي نايمين سأل الراجل صاحب البقالة لو يعرف تفاصيل أكتر وقالي " كان في بنت صغيرة في السن موجودة والظاهر أن الخناقة كانت قايمة بسببها لأنهم كانوا بيقولوا لجوزك أنه لو اتعرضلها تاني هيقتلوه المرة اللي جاية " وقتها حسيت أن كل الشكوك اللي جوايا بقيت حقيقة وساعتها رجعت البيت وواجهت جوزي باللي أنا عرفته ومكنش عارف يرد عليا ولا ينطق لميت هدومي ورجعت بيت أهلي عشان أرفع عليه دعوي خلع لأني مبقيتش قادرة اتحمل خيانته ليا أكتر من كدة خصوصاً أني عمري ما قصرت معاه في شئ ولا ممكن حد في الدنيا كلها يحبه قدي ".