مراتي هددتني تحرمني من العلاقة لو مجيبتلهاش عربية تتفسح بيها.. مأساة زوج

«مراتي استغلت إني بحبها ومعايا فلوس وبتهددني كل شوية أنها تحرمني منها..» بتلك الكلمات روى زوج لتحيا مصر من داخل محكمة الأسرة عن زوجته ذو النفس الطامعة والاستغلالية كما روى أيضاً عن جميع محاولاته في أن يصلح فيها ذلك الطبع لكن باتت جميع تلك المحاولات بلا جدوى أو نتيجة حتي وصل بهما الأمر أيضاً إلي الوقوف في المحاكم بعد أن رفعت عليه زوجته دعوي خلع لأسباب تدل علي أنانيتها وجشعها. 

مراتي بتفرح لما صاحباتها يغيروا منها 

بدأ الزوج حديثه لتحيا مصر: "أنا ومراتي متجوزين من 5 سنين وعندنا بنت مراتي من عيلة غنية ووافقت بيا لما طلب أيدها للجواز بعد ما عرفت أني فاتح شركة عقارات وعندي شقة واسعة وعربية أحدث موديل والحال معايا ماشي كويس من يوم ما عرفتها وهي نفسها تبقي أغني واحدة في عيلتها وصاحباتها وتبقي الناس كلها ماشية تبص عليها ويغيروا منها وده كان بيفرحها في الأول أهلي حذروني وقالولي "يابني دي عندها نقص ومهما تجيبلها وتعملها مش هيرضيها" لكن أنا كنت حاببها وشاريها وافتكرت أنها لما تبقي أم كل ده هيتغير وهتبقي عايشة لولادها بس لكن اللي حصل هو العكس تماماً". 

«بتبقى جنبي علي السرير وبتدعي عليا في سرها» .. زوج للقاضي: حالي اتوقف بسبب مراتي أم عيالي

«دخلت على جوزي بعد شهر غياب و لقيته في حضن راجل على سريري».. مأساة زوجة

طلبت مني عربية غالية عشان تتفسح بيها ومبتعرفش تسوق 

وتابع الزوج: "مراتي من شهور بسيطة جداً واحدة صاحبتها اشترت عربية وهي لما عرفت رجعت البيت متعصبة ومش طايقة حد ولما سألتها "مالك؟" قالتلي أن صاحبتها اللي جوزها شغال محاسب جابلها عربية وهي اللي جوزها فاتح شركة مجبلهاش حاجة مع العلم أن مراتي مبتعرفش تسوق بس هي عايزة تغيظ صاحبتها مش أكتر لكن أنا رفضت وقولتلها "أنا ممكن اعلمك السواقة ولو أحتاجتي عربيتي خديها لكن أنا مش هقدر أشتري عربية جديدة في الوقت ده ومش شايف أننا محتاجينها في حاجة" راحت ردت عليا بكلام جرحني جداً وقالتلي أنها ندمانة أنها اتجوزتني وأنها كان زمانها دلوقتي متجوزة واحد مليونير من اللي كانوا بيتقدمولها وكان زمانها عايشة معاه ملكة واللي وجعني في كلامها أني عمري ما حرمتها من حاجة كان في مقدرتي أجيبهالها ". 

حرمتني من العلاقة وهددتني بالخلع 

واختتم الزوج حديثه:"مراتي لما رفضتلها طلبها هددتني أنها تخلعني في المحكمة وحرمتني من العلاقة وبالفعل كنت بحاول كتير معاها أني المسها واقرب منها لأني زي اي راجل عندي احتياج لكن هي كانت بتتهرب مني طول الوقت ومحسساني أني عدوها لكن في نفس الوقت ده مضغطش عليا في شئ لأني مش هسمح أن واحدة ست هي اللي تمشيني وبالفعل لما مراتي حست أن مفيش مني رجا خلعتني في المحكمة وأنا مش ندمان عليها أنا ندمان أني مسمعتش كلام أهلي لما حذروني منها وضيعت عليها 5 سنين من عمري لكن عوضي وحقي عند ربنا ".