«دخلت على جوزي بعد شهر غياب و لقيته في حضن راجل على سريري».. مأساة زوجة

جوزي وإبن عمه بيحبوا بعض وعلي علاقة ببعض من صغرهم.. بتلك الكلمات روت زوجة لـ تحيا مصر من داخل محكمة الأسرة عن زوجها ذو الميول الشاذة والتي اكتشفت ذلك بعد زواجها منه وإنجابها لثلالثة أطفال مما وضع في قلبها النفور منه وخوف الله أن تعيش مع رجل كهذا فلجأت للمحكمة لتتخلص منه وترفع عليه دعوي خلع بمحكمة الأسرة.

حياتي معاه كانت مثالية ومكنش بيبان عليه حاجة  

بدأت الزوجة الحديث :" حياتي مع جوزي بدأت من 13 سنة وعندنا 3 أطفال كانت حياة مثالية زي أي زوجين عايشين مع بعض كانت بتحصل خلافات وكنا بنحلها ببساطة وكان في بيننا حب وهو مكنش مخليني أنا وأولادي محتاجين حاجة ولا أنا كنت بقصر معاه في شيء كان بعيد عن ربنا قبل الجواز وكان قايلي أنه عمل حاجات كتير وحشة في حياته وأنها خلاص انتهت لما اتجوزني وبدأ معايا حياة جديدة بقي  بيصلي وبيصوم وهو كان سعيد جداً بده وأنا كمان ".  

والدتي تعبت وأضطريت أسيب جوزي شهر لوحده في البيت 

وتابعت الزوجة الحديث :" والدتي تعبت من شهرين وهي عايشة لوحدها لأن والدي توفي وأخواتي كلهم متجوزين فكانت محتاجة رعاية وإهتمام شديد فطلبت من جوزي أني أروح أقعد معاها أسبوع أهتم بيها وهو وافق و بالفعل روحت وكنت واخدة معايا العيال عشان ميزعجوش جوزي ويعرف يركز في شغله وكنت يومياً بعمله أكل وابعتهوله مع أبني الكبير لكن في مرة بعت أبني ولقيته راجعلي تاني والأكل في أيده بحاله فسألته " مطلعتش الأكل لأبوك ليه ؟" ولقيته بيقولي " خبط عليه ومفتحليش ولا بيرد علي التليفون " وقتها حسيت بقلق خلاني أخد الأكل وأروح أوديهوله بنفسي لأن المفتاح معايا ومينفش أسييب المفتاح مع حد من عيالي عشان مضمنش هيحافظوا عليه ولا لا وبالفعل روحت وفتحت وشوفت منظر مش هقدر أنساه بقية عمري كله ".

دخلت عليه أوضة النوم لقيته في حضن راجل على سريري  

واختتمت الزوجة حديثها باكية :" فتحت باب الشقة بالمفتاح ولقيت أوضة النوم مقفولة فتوقعت جوزي يبقي نايم ومسمعش رنة أبني على الباب فقولت أدخل أصحيه ولقيت حد نايم معاه السرير ومتغطيين الصدمة خليتني أتمسمرت مكاني افتكرتها واحدة ست وبيخونني معاها لكن لما ركزت وهما قاموا مفزوعين هما الأتنين طلع راجل ولما بصيت على  ملامحه لقيته أبن عمه الكبير وقفت مذهولة من اللي شايفاه قدامي ومش قادرة أنطق وأبن عمه في ثواني خد بعضه ومشي لكن جوزي فضل بيحاول يهديني وقالي أنا هشرحلك كل حاجة وبالفعل شرح وقال " أنا عارف أن اللي عملته ده غلط كبير في حقك وحرام لكن أنا كنت محتاجك ومش لاقيكي وهو اللي فضل يلح عليا وجالي لحد البيت عشان يعمل كده معايا لأننا كنا في علاقة مع بعض من صغرنا ولما اتجوزتك بعدت عن كل حاجة حرام بس معرفش رجعتلها تاني إزاي سامحيني وأوعدك هتكون آخر مرة " لكن اللي شوفته خلاني مقدرش أسامحه بقية عمري لأن اللي عاش في الغلط سنين وراد يرجعله تاني في أي لحظة لميت هدومي وخدت أولادي ورجعت عيشت مع والدتي وهو حاول بكل الطرق أنه يرجعلي لكن أنا خلاص رفعت عليه دعوى خلع في محكمة الأسرة وحاسة بكسرة متتوصفش لأني كنت بحبه وأديتله سنين كتير من عمري ومكنتش عايزه أحرم ولادي من العيشة مع أبوهم لكن راجل زي ده مكنش هينفع أديله لحظة تانية زيادة من عمري وعوضي عند ربنا ".