مفهماهم أنها أرملة..زوج للقاضي: مراتي مصورة نفسها مع رجالة وصاحبي اللي كشفها

شوفت مراتي في حضن رجالة ومفهماهم أني ميت.. بتلك الكلمات روى زوج لتحيا مصر من داخل محكمة الأسرة عن زوجته التي قامت بخيانته مع رجال آخرين واضعة في اعتقادهم أنها أرملة ليعطفوا ويتحننوا عليها، ولكن كشفها القدر وكل ما فعله الزوج هو الأنفصال عنها ولكن ليس بشكل رسمي ولم يشاء أن يرفع عليها اي دعاوي بالمحاكم مراعاةً لأبنائه فأسرعت هي برفع عليه دعوي طلاق للضرر بحجة العنف والإساءة التي تلقاها منه. 

مراتي بتحب العلاقات الكتير عشان ده بيديها ثقة في نفسها 

بدأ الزوج حديثه لتحيا مصر: "أنا ومراتي متجوزين من 9 سنين وعندنا بنتين مراتي من أول ما عرفتها وهي بتحب تبقي متحاوطة بالرجالة لأن ده بيحسسها بثقتها بنفسها وبإنها مرغوبة كانت دايماً أيام الخطوبة تحكيلي أن واحد بيكلمها والتاني بيجري وراها والتالت مموت نفسه عشانها وأنا كنت بسمع الكلام ده في البداية وزي اي راجل كنت بفرح أنا كمان أن الست اللي أنا هتجوزها قيمتها غالية وفي ناس نفسهم يوصلولها وأن أكيد بعد الجواز هتبقي ليا ومعايا أنا بس ومش هيبقي في سيرة راجل تاني غيري لكن مكنتش اعرف أن ده طبع فيها عمره ما هيتغير وهيزداد سوء بالشكل ده". 

شكيت فيها وطلبت من صاحبي يختبرها 

وتابع الحديث: "مراتي في آخر سنة بدأت احس أنها فيها حاجة غريبة كانت بتهتم بنفسها زيادة عن اللزوم وطريقتها معايا اتغيرت وأهمالها لولادها زاد ده غير مسكتها للتليفون طول الوقت وبتبقي قافلاه لما تنام عشان معرفش أنا افتحه وطبعاً مقدرتش احسسها أني شاكك فيها عشان متاخدش مني موقف ضدي وتفتكرني بخونها وهي ممكن يبقي ملهاش ذنب في شئ روحت طلبت من واحد صاحبي عندي ثقة فيه كبيرة أنه يكملها علي صفحتها الشخصية علي الفيس بوك ووقتها اتصدمت صدمة عمري من اللي حصل". 

مش سايب بنات الناس في حالهم.. زوجة للقاضي: جوزي بيرجع البيت كل يوم مضروب وهدومه متقطعة

نصبت عليه في 60 ألف جنيه.. زوجة للقاضي: جوزي اتعرف علي واحدة خربتلنا بيتنا

بعتتله فيديوهاتها مع رجالة وبتفهمهم أنها أرملة 

واختتم الحديث: "صاحبي نفذ اللي أنا طلبته منه وبعت لمراتي رسايل أنه معجب بيها وعايز يتعرف وهي استجابت والموضوع كمان تطور بينهم أنه لما طلب منها تروحله الشقة هي وافقت فقولتله يسألها في المحادثة " جوزك فين ؟" راحت قالتله "أنا أرملة وبدور علي الشخص اللي يحسسني بألآمان " ومش بس كدة دي كمان بعتتله صور لجسمها وفيديوهات ليها وهي في علاقة مع رجالة صاحبي عملها بلوك وشوفت كل حاجة بعيني ولما روحت  واجهتها معرفتش ترد ونزلت فيها ضرب مرحمتهاش لكن في اللحظة اللي كنت بضربها فيها وشوفت صرخة وعياط بناتي خدت وقتها قرار أني هخليها ترجع بيت أهلها وهنفصل عنها بس مش بشكل رسمي ولا حتي هرفع عليها اي دعاوي في المحاكم او محاضر لكن هي مسكتتش وراحت بآثار الضرب اللي كان علي جسمها رفعت في المحكمة قضية طلاق للضرر وقضية نفقة بحجة سوء المعاملة وأنها بتتعرض معايا للعنف والقسوة رغم أنها عارفة أن فيديوهاتها معايا لكن هي بتستغل طيبتي وحبي لعيالي وخوفي علي مستقبلهم أنا كنت متجوز شيطانة وهفضل ندمان علي الغلطة دي بقية عمري".