مفيش عرسان بسببها.. مأساة زوج: مراتي بتلغي الأنوثة عند بناتنا وعايزاهم رجالة

مراتي من خوفها علي بناتي ربيتهم يبقوا رجالة ومبقاش يجيلهم عرسان.. بتلك الكلمات روي زوج لـ تحيا مصر قصته داخل محكمة الأسرة عن زوجته التي تخطئ في تربية بناتها وتعلمهم كيف يلغون فطرتهم ويتقمصون شخصية الرجال في جميع أمور حياتهم بالإضافة إلي أنها تلغي وجود الزوج في دوره كأب مما جعله ينفر منها ويرفع عليها دعوي نشوز داخل محكمة الأسرة.

بينسي أنه عمل معايا علاقة ..مأساة زوجة: جوزي بيصحي الصبح عنده زهايمر

حرقها ليخفي جريمته.. قصة مقتل الست حمدية المدرسة على يد مسجل خطر في البحيرة

أنا ومراتي عندنا 3 بنات ومتجوزين من 25 سنة 

بدأ الزوج حديثه لتحيا مصر :" أنا ومراتي متجوزين من 25 سنة وخلفنا 3 بنات أكبرهم عندها 24 سنة وبناتي من صغرهم أمهم بتربيهم أزاي يبقوا رجالة وبتخليهم يلبسوا لبس رجالة ويتكلموا زي الرجالة ولما كنت بسألها " لية بتعملي كدة ؟" كانت بتقولي " عشان خايفة عليهم الناس تطمع فيهم زي ما كل البنات بيتطمع فيها " .

بناتي نفسهم يلبسوا فساتين وأمهم منعاهم 

وتابع الزوج :" عدا سنين علي الحال ده لحد ما بناتي كبروا وبقوا بيتعرضوا لمواقف صعبة ومحرجة وسط زمايلهم اللي بيتنمروا عليهم وعلي شكلهم ولبسهم ونبرة صوتهم لحد ما قرروا ميسمعوش كلام والدتهم تاني وجم طلبوا مني أني أشتريلهم فساتين يروحوا بيها خطوبة واحدة صاحبتهم وبالفعل ده حصل وأشتريت لكل بنت منهم فستان ولما رجعت البيت ووريتهم لمراتي زعقتلهم وخدت منهم الفساتين عشان ترجعهم للمحل تاني وده وصل بناتي أن شخصيتهم بقيت أنطوائية ومبيحبوش يحتكوا بحد وقافلين علي نفسهم طول الوقت ".

ماما نايمة ومش حاسة.. نص رسائل قاتلة والدتها في بورسعيد لـ عشيقها

أحضرت له كأسا.. إعترافات صادمة لـ قاتلة والدتها في بورسعيد: لست عذراء

نفسي أفرح بيهم لكن مش بيتقدملهم عرسان والرجالة بتخاف منهم 

وأختتم الزوج :" أنا بكبر في السن ونفسي افرح ببناتي واجوزهم لكن بشوف في عنيهم طول الوقت الاحساس بالاحباط والغيرة من صاحباتهم اللي بيتجوزوا وهما  أكيد مفيش راجل هيطلب أيد واحدة منهم ويحس أنه عايش مع بنت ارجل منه وعاملة زي ما تكون واحد صاحبه وهنا قررت أني اوقف مراتي عند حدها في تربيتها لبناتي وأني مش هسيب بناتي غير وهما فرحانين بنفسهم وبشكلهم وارجعلهم ثقتهم في نفسهم تاني لكن ده اتسبب في خلافات كبيرة بيني وبين مراتي قالتلي فيها " أنت أصلا ملكش شخصية في البيت ودول بناتي وأنا حرة فيهم واربيهم زي منا عايزة "  ووصلت بيها كمان أني رجعت من الشغل ولقيتها سايبة البيت وقاعدة عند أختها وواخدة معاها البنات وبقالها 3 شهور لحد دلوقتي مرجعتش فقررت أرفع عليها دعوي أنذار طاعة عشان أخليها تتأدب وترجع بيتها وتربي بناتها بالشكل السليم ".