بينسي أنه عمل معايا علاقة ..مأساة زوجة: جوزي بيصحي الصبح عنده زهايمر

جوزي بيعيشني لحظات حلوة بليل ويصحي ناسيها ...بتلك الكلمات روت زوجة لتحيا مصر من داخل محكمة الأسرة عن زوجها وعيوبه الغريبة التي اكتشفتها بعد الزواج والتي جعلتها تشعر معه بالخوف والريبة فهو في الليل يكون معها شخص وفي النهار يتحول لشخص آخر مما جعلها تقرر الانفصال عنه برفع عليه دعوي خلع داخل محكمة الأسرة .

المستندات المطلوبة والرسوم.. كيفية استخراج شهادة التحركات 2023

إحالة 6 متهمين للمفتي لإتهامهم بقتل مسن وطفل في المطرية

جوزي بيتكلم وهو نايم وكنت بعديها 

بدأت الزوجة حديثها لتحيا مصر :" أنا وجوزي متجوزين من 3 سنين وعندنا طفل قبل الجواز جوزي كان مفيهوش غلطة وكانت روحي فيه لكن بعد ما أتقفل علينا باب واحد اكتشفت حاجات غريبة بقيت تخوفني منه زي أني احيانا أكون سهرانة وسايباه نايم الاقيه صحي الساعة 3 و4 الفجر ويتكلم كلام غريب وياكل ويشرب ويبقي بيضحك وفجأة الاقيه نام تاني ولما يصحي يبقي ناسي كل الكلام ده ويقولي أنا أصلا نايم من الساعة 10 بليل ومعملتش الكلام اللي بتقولي عليه ده في البداية كنت بعدي الموضوع ده لحد ما بقي بيتكرر كتير وتعبني وخصوصا أنه مبيصدقنيش وبيصدق نفسه بس ".

مأساة زوجة: دخلت علي جوزي لقيته بيتفرج علي صور بنتي وبيعمل تصرفات مش كويسة

مأساة زوجة: جوزي عايزني البس زي الستات اللي معاه في الشركة عشان أعجبه

بيعمل معايا علاقة بليل ويصحي ناسيها 

وتابعت الحديث :" كنا نايمين في مرة أنا وجوزي ولقيته بيصحيني في عز الفجر بيطلب العلاقة الزوجية وبالفعل عملتله  اللي هو عايزه ونيمنا أحنا الأتنين مبسوطين وتاني يوم الصبح الاقيه صاحي مش فاكر أية اللي حصل ومستغرب أنه نايم من غير هدوم ولما يسألني " هو أحنا عملنا أية بليل ؟" ببقي مصدومة وحاسة بخوف منه لأنه بيبقي نايم بحال ويصحي بحال تاني خالص جاوبته وقولتله " عملنا زي أي أتنين متجوزين ما بيعملوا " لكن هو  فاجأني برده وقالي " أزاي ؟ أنا فاكر أن آخر مرة لمستك فيها كانت من أسبوعين " كنت بسكت وبكتم قهرتي جوايا لأني زي أي ست بيبقي نفسي أن جوزي يبقي راجل طبيعي ويفتكر كل لحظة جميلة بتجمعني بيه لكن هو حرمني من ده ".

قولتله شوفلك حد يعالجك راح ضاربني 

وأختتمت الزوجة الحديث :" لما زاد الوضع بالشكل ده مع جوزي قررت أخلعه في المحكمة وأرتاح منه بعد ما حصل بيني وبينه مشكلة كبيرة وقولتله فيها " أنت راجل مريض وعندك زهايمر وشوفلك حد يعالجك " وهو بالتالي بعزم قوته نزل فيا ضرب وبهدلة وده اللي خلاني اجي المحكمة وارفع عليه قضية خلع بالرغم من أني بقيت في نظره هو وأهله ست مفترية وبتبلي عليه لكن ده ميهمنيش لأن محدش شاف ولا عاش اللي أنا عيشته مع الراجل ده ".