ياسمين عز: افرحي بجوزك انتي معاكي حتة آثار وهعمل تسريحة ومطبخ في البرنامج عشان عيون الراجل المصري

كشفت الإعلامية ياسمين عز عن مفاجأة الموسم الجديد من برنامجها، كما وجهت نصيحة للسيدات، وذلك خلال برنامجها كلام الناس.

تحيا مصر يرصد لكم تصريحات ياسمين عز

تصريحات ياسمين عز 

وقالت ياسمين خلال برنامجها كلام الناس الذي يعرض عبر قناة أم بي سي مصر: افرحي بجوزك الراجل المصري العظيم الراجل عملة نادرة في الزمن ده وميتقدرش بكنوز.

وتابعت: انتي معاكي حته اثار نادرة حافظي عليها انتي بتكملي تحفه ويا بختنا كمصريات برجلتنا المصرية

ياسمين عز: هعمل تسريحة ومطبخ في البرنامج من اجل عيون الراجل المصري

وعن مفاجأة الموسم الجديد من البرنامج قالت ياسمين: في الموسم الجديد هعمل مطبخ عشان نعلم السيدات يعملوا احلى الاكلات للرجالة الشقيانه طول اليوم ويلاقوا اكل يغذيه وتأكليه أحلى أكل.

وأضافت: وهعمل تسريحة عشان تتعلموا ازاي تتزينوا عشان لما جوزك يرجع يلاقيكي قمر وريحتك حلوة.

وسبق ووجهت الاعلامية ياسمين عز رسالة صارمة لـ متداولي شائعة وقف برنامجها المذاع على قناة mbc مصر، الذي أتى بعنوان “كلام الناس”وكتبت ياسمين عز عبر حسابها الرسمي بموقع تبادل الصور والفيديوهات انستجرام: واضح أن نجاح حلقة كريستيانو والمغرب أحبابنا لم يتحمله البعض، فـ طلع إشاعة تافهة ومدفوعة الأجر لصفحات بير السلم ضد البرنامج، برنامجي الجميل موجود رغم أنف الحاقدين نصيحة بدل ما تدفعوا الصحفات تقول إيقاف طلعوا الفلوس صدقة يمكن ربنا يتجاوز، الخميس موعدنا 6 مساء مباشر.

ياسمين عز توجه رسالة لـ كرستيانو رونالدو

وكانت قد وجهت ياسمين عز خلال حلقتها في يوم الأحد المنقضي رسالة لـ لاعب كرة القدم البرتغالي كريستيانو رونالد، اذ قالت خلال برنامجها كلام الناس: رسالتي بقى المرة دي لكريستيانو رونالدو أنا عارفة إنه بيتابع البرنامج وبيحبنا وبيحب البرنامج والنبي يا شيخ لو ليا خاطر عندك أجبر بخاطر البنت المسكينة دي "جورجينا" واتجوزها.. وأديك شوفتها في آخر ماتش، شيلاك، ي عينها صاينة عيالك ومحافظة عليها، وبعدين عمرها ما اشتكت رغم إنك ممرمطها وراك كعب داير من مدريد لإيطاليا ومن أولد ترافورد للمدينة التعليمية بالدوحة، ويا عالم بعد كده هتروح فين وتاخدها معاك الست ما بتقولش لأ من هنا لهنا حاضر.. اتجوزها ربنا يجبر بخاطرك.. اتمني ربنا يهديك وتراجع نفسك في موضوع الجواز ده ونشوفكم إن شاء الله في الكوشة السنة الجاية، ومعاكم ولاد تانين ونفرح بيكم بإذن الله.