حسين فهمي يفتتح ريد كاربت مهرجان القاهرة السينمائي وزوجته تلتزم بالدريس كود

وصل الفنان حسين فهمي رئيس مهرجان القاهرة السينمائي الدولي برفقة زوجته، إلى ريد كاربت الدورة الـ44، التي تنطلق فعاليتها من اليوم وتستمر حتى يوم 22 نوفمبر الجاري.

تحيا مصر يرصد وصول حسين فهمي لريد كاربت مهرجان القاهرة السينمائي. 

مهرجان القاهرة السينمائي 

وينطلق حفل افتتاح مهرجان القاهرة السينمائي في دورته الـ44 بدار الأوبرا المصرية، بحضور وزيرة الثقافة نيفين الكيلاني، وحسين فهمي رئيس المهرجان.

من جانبه، قال حسين فهمي خلال حلوله ضيف ببرنامج حبر سري: ولاد ولادي بينادولي باسمي ومفيش لا جراند بابا، وكلهم واخدين مني زي انهم دمهم خفيف وبيحبوا الحياة وليبراليي.. ومعنديش احفاد اسمهم ولاد ولادي.

تصريحات حسين فهمي في حبر سري

وتابع حسين فهمي: “وحيد فريد مدير التصوير قالي أن حليم كان بيغير منك، وكان عليا هجوم كبير، وساعتها قولتله ايه علاقة عبد الحليم حافظ بيا؟ قولتله ايه العلاقة قالي لما البنت تشيل صورة حليم وتحط صورتك اكيد لازم يغير منك”.

وأضاف: “معرفش مين بيغير مني، عشان عمري ما غيرت من حد خالص، وبنصح أي شاب جديد داخل السينما متبصش يمين ولا شمال وحب الكل عشان الناس تحبك”.

وعن التنمر على ميرفت أمين قال: اللي حصل ان ميرفت امين رايحة عزا، ومش متخيل ازاي الناس تعلق تعليق سخيف بالشكل ده، وهي انسانة طبيعية ورايحة حزينة والحزن بيأثر في ملامح الوجه، ومفهمتش التريند السخيف ده.

ومن أبرز تصريحاته في الجزء الأول من البرنامج: 

بسأل على عادل إمام، علطول وبكلم رامي ابنه وهو كويس وإن شاء الله دائمًا كويس، وسبب عدم شغلنا 25 سنة مع بعض لأن مكنش في عمل يجمعنا.

- أنا مش زعلان من حد ومحدش قالي أنا زعلان منك ومفيش في ذهني حد أنا مزعله أو زعلان منه وأنا متصالح مع نفسي.

- نصحت مصطفى أخويا في أزمته مع طليقته، وكنت معه باستمرار وقُلت له حاجات من تجاربي الشخصية، والمنظر مكنش حلو وكان سيء ومكنتش حابب اللي حصل بينهم.

- أؤمن بالحسد لأنه ذُكر في القرآن.. واسمي الفني حققته في سنوات وأعمال طويلة.

- انتصار حرب أكتوبر حسيت فيه أني بأخذ بثأري ومكان تصوير فيلم الرصاصة لا تزال في جيبي، والظروف اللي مرينا بيها ومنطقة القناة اللي كلها كانت مدمرة وربنا يحمي بلدنا

بحرص على انتظار مسلسل كريم عبد العزيز كل سنة، وأبوه أخويا وكنا زملاء ديسك مدرسة وكريم اتولد على إيدي.

- عادل إمام أسطورة ونجيب الريحاني أسطورة ويوسف وهبي اسطورة وطلعت حرب الذي أنشأ بداية السينما المصرية أسطورة واللي بيقيم الناس.