أمل رزق: لو رجع بيا الزمن كنت استغليت المنتج إسماعيل كتكت

كشفت الفنانة أمل رزق بأن زوجها المنتج إسماعيل كتكت كان يرفض أن يشاركها في عمل فني ويرفض الإنتاج لها، كما وضحت أن بعض زملائها كانوا يحسدوها على زواجه من المنتج.

تحيا مصر يرصد لكم تصريحات الفنانة أمل رزق
وقالت أمل خلال لقائها في برنامج كلام الناس الذي يُعرض عبر قناة أم بي سي مصر وتقدمه الإعلامية ياسمين عز: كنت بسمعهم بيقولوا دي بنت صغيرة وضحكت على المنتج إسماعيل كتكت واتجوزته و زمانه جايبلها معالق ألماظ.

وتابعت: كلام عجيب جدًا  ملهوش إي مجال من الصحة،  وأنا غلطانه لو رجع الزمن بيا تاني كنت اشتغلت معاه وكنت هخليه يعملي بطولة واطلب منه ده.

وأضافت: أنا كنت صغيرة مكنتش حابه يعملي بطولات كنت بقول أنا مش ناقصه أيد ولا رجل أنا هعمل نفسي بنفسي.

أمل رزق: إسماعيل كتكت كان يرفض الإنتاج لي

وكشفت: اسماعيل مكنش عايز ينتج ليا بسبب حبه الزيادة وكان بيقولي أحنا بنبتدي واحده واحده.. أنا بالنسبالي هو كان كفاية وعندي بالدنيا كلها و أنا صغيره كنت بقول السنين كتير ولسه بدري بس لما بدأت اكبر بقا كنت بساله هتنتجلي امتى  وكنت بلمحله و هو يقولي ايه اللي غيرك كده وبتتكلمي كده ليه.

قصة زواج أمل رزق من المنتج إسماعيل كتكت

وكانت أمل رزق كشفت عن قصة زواجها من إسماعيل كتكت وقالت أنها فؤجئت بإنه يطلب الزواج منها وأوضحت: إسماعيل قال لبابا أنا هتجوز أمل بعد ما بابا قاله على عريس أمريكا، وأنا وافقت بدون نقاش على الرغن أن فرق السن بينا كان كبير، بس أنا كنت بحبه ودمه كان خفيف وبيحب الحياة.. وأنا اتجوزت وأنا عندي 19 سنة ومنصحش إي بنت في الجيل الحالي تعمل كده لإني شيلت المسئولية بدري جدًا وكمان فضلت أخلف بس أنا كنت فرحانة، لكن الجيل الحالي صعب يشيل المسئولية بدري.

مسلسل روز وليلى

وكشفت أمل رزق أنها ستشارك في مسلسل روز وليلى الذي من المُقرر عرضه قريبًا عبر إحدى المنصات الرقمية، وهو من بطولة الفنانة يسرا والفنانة نيللي كريم.

مسلسل روز وليلى ينتمي إلى نوعية المسلسلات التي تتكون من 10 حلقات، وهو من بطولة أحمد وفيق، أمل رزق، تيام قمر، يسرا، هشام عاشور، نيللي كريم ومن تأليف السيناريست البريطانى كريس كول وإخراج المخرج السينمائى والتلفزيونى البريطانى أدريان شيرجولد.