كان محسسنا أننا بيئة وحشرات.. هل تتجدد أزمة شاكوش وبيكا مع هاني شاكر؟

أثار كل من مطرب المهرجانات حمو بيكا وحسن شاكوش جدلًا واسعًا أمس الأحد الموافق 23 أكتوبر بعد هجومهم على الفنان هاني شاكر بسبب التعامل الذي كانوا يتلقونه في فترة توليه منصب نقيب المهن الموسيقية.

تحيا مصر يرصد هجوم حمو بيكا وحسن شاكوش على هاني شاكر. 

حمو بيكا وحسن شاكوش يهاجمان هاني شاكر

قال حمو بيكا في مدخلة هاتفية مع الإعلامي عمرو أديب مقدم برنامج الحكاية، المذاع عبر قناة إم بي سي مصر، مساء أمس الأحد، أن نقيب المهن الموسيقية مصطفى كامل لمنا واتكلم معانا، والنقيب السابق كان في ناس محسسنا إننا بيئة ومش تمام".

فيما قال حسن شاكوش: أول مرة مع وجود نقيب الموسيقين مصطفى كامل نحس أن في حد بيحبنا وبيشجعنا، وحسينا أن في سند في ضهرنا، فقبل كده كنا بنتعامل كأننا مش مصريين ومش من البلد وجايين ناخد خير البلد».

واستطرد: «النقيب السابق هاني شاكر على دماغي لكن مكنش بيجمعنا، وكان صعب الوصول له، مفيش فرصة أن احنا نقابله، لا منه ولا من مجلسه، ثم احنا لو قعدنا في البيت هنشتغل ايه؟! فاحنا أكل عيشنا بالحلال الحمد لله، فكل مطرب مهرجانات مسؤول عن خمسين، ستين عيلة، ولو قعد في البيت هيشتغل إيه؟!».

ولكن حتى الآن لم يخرج هاني شاكر للرد على هجوم حمو بيكا وحسن شاكوش فهل سيظل ملتزم الصمت أم ستتجدد الأزمة؟

حسن شاكوش يطرح دي حلاوة

من جانبه، طرح مطرب المهرجانات حسن شاكوش أغنية جديدة بعنوان “دي حلاوة” بالتعاون مع بهاء من فرقة شارموفرز، عبر موقع الفيديوهات الشهير يوتيوب.

الأغنية من كلمات وألحان أحمد بهاء، وتوزيع موسيقى ساري هاني ومن إخراج هادي الباجوري، ومن إنتاج شركة "جاما ميوزيك" للمنتج محمد جابر.

وتقول كلمات الأغنية:

ايه ده صحيح مالك
مش عاجبني حالك
واخد بالي وساكت
طب ليه اسهر الليالي
ردي على سؤالي
ده انتي شاغله بالي

جيتي انتي سألتيني
لو بحبك في حياتي غيرك
بفكرك كل ما تنسي واقولك لا لا
ده انا حتى فاكر كلامي مش بنسى
دلعت عمري ما بقسى
هي الحلاوة كده
هي دي الحلاوة
ده انا حتى بعادي عنك كارثه
ومستحملش القمصه
هي الحلاوة كده
هي دي الحلاوة

دي حلاوة دي حلاوة
دي حلاوة كده بالهداوه
دي حلاوة دي حلاوة
دي حلاوة كده بالهداوه

شاكه فاللي ما بينا
باين من المعامله
وصوتك في المكالمه
فاكره الكلام بينا
انا فاكر كلمه كلمه
وضحتك ليلتها

اضحكي بقى يوه ايه
اضحكي بقى يوه ايه
عشان ورداة وبوكيه
وحاولت بمية افيه
اضحكي بقى اضحكي بقى

جيتي انتي سألتيني

لو بحبك في حياتي غيرك
بفكرك كل ما تنسي واقولك لا لا
ده انا حتى فاكر كلامي مش بنسى
دلعت عمري ما بقسى
هي الحلاوة كده
هي دي الحلاوة

ده انا حتى بعادي عنك كارثه
ومستحملش القمصه

هي الحلاوة كده
هي دي الحلاوة

دي حلاوة دي حلاوة
دي حلاوة كده بالهداوه
دي حلاوة دي حلاوة
دي حلاوة كده بالهداوه

وعرفت ان الحلاوة
مش دايما في الشقاوه
يا جمال حياتنا مع بعضنا
هي دي الحلاوة
ده انا حتى فاكر كلامي مش بنسى
دلعت عمري ما بقسى
هي الحلاوة كده
هي دي الحلاوة

دي حلاوة دي حلاوة
دي حلاوة كده بالهداوه
دي حلاوة دي حلاوة
دي حلاوة كده بالهداوه