ابرهيم عيسى يتحدث عن عفو مبارك وطلب حبيبي العادلي منه

كشف الكاتب الصحفي إبراهيم عيسى، تفاصيل العفو الرئاسي الذي حصل عليه في عهد مبارك، بعد حكم حبسه لاتهامه بنشر أخبار كاذبة تتعلق بصحة الرئيس الراحل حسني مبارك.

العفو الرئاسي 

وقال "عيسى"، خلال لقاءه ببرنامج "حبر سري"، على قناة القاهرة والناس، أن الرئيس مبارك أصدر عفو رئاسي بحقه، وده يملكه أي رئيس بالعفو عن العقوبة، مضيفا: "كنت محضر شنطتي وافتكر إن  مكتب حبيب العدل اتصل بيا وقلت له أنا جايلك قال خليك إحنا هنجيلك، وقتها كنت قاعد في الجرنال بشتغل وقاعد من غير شوز ومش حالق دقني، وقعدت ادور على حلاق في الدقي عشان كان يوم الاتنين، وانا داخل جوا وزارة الداخلية كنت ولا وزير الداخلية البلجيكي وقولت لحبيب العدل أنا عايز السي دي بتاعت الاستقبال ده، وقالي وقتها تقبل بالعفو ولا لأ، ووافقت".

وتابع: "نزلت بعد اللقاء بدقيقة روحت لمدير مكتب الوزير ولاقيت على الشاشة خبر نازل، قرار جمهوري صادر بالعفو عن الأستاذ إبراهيم عيسى".

تصفية جريدة الدستور 

كما تحدث عن تصفية جريدة الدستور: "أنا مكنتش مالك الجورنال ومكنش في ذهني ان الجورنال هيتصفى، واحنا كنا جريدة متواضعة ماليًا والشباب لما كانوا بيعملوا حوار تليفوني بيكلموه وبعد 3 دقائق المكالمة بتقطع، عشان مالك الجورنال عامل 3 دقائق للمكالمات، وكان ممكن أكون صوت معوق ومعرفش إنه مشروع تصفية، بس هما صفوني أنا، بس صحابي رفضوا يكملوا مع الإدارة، واتقالي انت مفروض يوم 6 أكتوبر 2010".

مناظرة عبد الله رشدي وإسلام البحيري

موحزل المناظرة بين عبد الله رشدي واسلام بحيري، قال: "أنا ضد المناظرات دي، وده مش حوار علمي ده عبث، ومش مناقشة علمية منضبطة، ومش عايز صراع ديكة، والتعامل مع المناظرة على إنها ماتش كورة حتى مش فاهمينها.. وإسلام بحيري راجل متخصص، ومذاكر كل كبيرة وصغيرة في التراث الديني، ومين يتكلم لو هو مش هيتكلم".

إبراهيم عيسى عن قابلية تأليف عمل يناقش قانون مثل "فاتن أمل حربي": هختار إزدراء الأديان”

إبراهيم عيسى: أسرتي بتدفع ضريبة آرائي.. السينما المصرية ناقشت المثلية وأبرز أبطالها عادل إمام.. ونفسي أعمل فيلم عن «إزدراء الأديان»