الزوج الندل|زينب تستغيث من أمام المحكمة: جالي سرطان وجوزي رماني في الشارع

"كنت فكراه هيقف جنبي ويسندني لحد ما لقيت نفسي مرمية في الشارع والمرض بينهش فيا".. بتلك الكلمات روت زينب أمام محكمة الأسرة عن زوجها الذي ألقي بها في الشارع فجرا، بسبب رفضه تحمل تكاليف علاجها التي تجاوزت الـ30 ألف جنية.

عبير من أمام محكمة الأسرة بـ زنانيري: ضرتي سرقت دهبي عشان جوزها سابها وجالي

سيدة أمام محكمة الأسرة: جوزي قالي مش هأكلك أنتي وعيالك غير لو أتنازلتيلي عن ورث أمك

كنت خايفة يسيبني بسبب مرضي واللي خوفت منه حصل 

بدأت زينب حديثها لتحيا مصر :" أول ما عرفت ان جالي السرطان خبيت علي جوزي عشان خوفت أنه يسيبني, خصوصا أن الدكتور بتاعي قالي أن العلاج تكلفته هتعدي الـ30 ألف جنية  لكن والدتي هي اللي قالتلي لازم تقوليله لأنه جوزك وليكي حق عليه  وبالفعل روحتله وصارحته بكلام الدكتور ليا  لكن رد فعله كشفهولي علي حقيقته وصدمني فيه صدمة عمري  قالي " أنا مش ناقص هم ووجع دماغ , لمي هدومي وأرجعي علي بيت أهلك وهما ياخدوا بالهم منك ويصرفوا عليكي  ومن أنهاردة مشوفش وشك في بيتي  أنا متجوزك عشان تخدميني مش عشان أخدمك "

أهلي مش قادرين يتحملوا تكاليف علاجي  

تابعت زينب :" بعد ما أتطردت من بيت جوزي وروحت لأهلي، قالولي انهم مش هيقدروا يتحملوا تكاليف علاجي، لأن والدي ووالدتي كبار في السن و يادوب اللي معاهم يكفي معيشتهم اليومية، فضلت أيام مش عارفة أعمل أية او أروح لمين ، نزلت في عز مرضي و تعبي أشتغل لحد ما التعب هدني و رجعت قعدت في البيت تاني وأنا قليلة الحيلة".

جوزي رافض يطلقني عشان ميدينيش حقوقي 

وأختتمت زينب :" كل ده وانا مطرودة من بيتي و جوزي مفهم اهلي و الناس كلها أن أنا اللي سايباله البيت وغضبانة عند بيت أهلي ، عشان الناس متقولش عليه أنه راجل ندل وساب مراته في مرضها  رفض يطلقني عشان عارف أن والدي هيوقفله وهيطالبه بحقوقي، وهو عنده يعمل المستحيل ويفضل معيشني علي ذمته،  ولا أنه يديني جنية يصرف بيه عليا، ودلوقتي أنا لجأت للقانون عشان يخلصني منه ويجيبلي حقي" .