« جوزي بيسمع كلام أمه » .. ربة منزل في دعوي خلع أمام محكمة الأسرة بمصر الجديدة

«جوزي بيسمع كلام أمه» .. بهذة الكلمات رفعت ربة منزل «صباح» 30 سنة، دعوي خلع ضد جوزها «ناجي»39 سنة أمام محكمة الأسرة مصر الجديدة.

تحيا مصر يرصد في السطور التالية تفاصيل حكاية داخل محكمة الأسرة

متجوزة بقالي سنتين

روت الزوجة لمراسلة  «تحيا مصر» : «متجوزة بقالي عامين .. جواز صالونات.. وعندي طفل صغير واحد .. عشنا أجمل قصة حب في أول الجواز.. فات شهرين على الزواج.. وبدأ يقولي ابقي أنزلي ساعدي ماما في شغل البيت لانها عايشة لوحدها، بدأت إنزل وأروق وأشتغل لأمه وأخواته وأمسح ليهم ومفيش اي شكر لحد ماتعبت وفاض بيا وبيعاملوني معاملة شحاتين وخدامين ». 

كل ستات كدة مش انتي لوحدك كدة

وأشارت الزوجة في تصريح خاص لـ  «تحيا مصر» : «ارجع اقوله حرام اللي أخواتك وأمك بيعملوه يقولي عادي كل ستات كدة مش انتي لوحدك كدة.. تعبت منه ومنهم ومبقتش قادرة أعيش بس بقول أستحمل عشان أبني ميقولوش عليا مطلقة.. واترمي في شارع انا وابني ».

بيعاملوني معاملة وحشة

وأضافت الزوجة لـ «تحيا مصر»: « ومش بس كدة احنا عايشين في بيت واحد، وجوزي هو الكبير في أخواته ..وسلفتي كمان بتغير مني لاني احلي منها .. وبدأت كل لما تشوفني تبص بقرف وتشتم .. وتعايرني إن أهل جوزي بيعاملوني معاملة وحشة.. كنت نازلة في مرة ومسكتني بهدلتني وشتمتني وضربتني لحد ماروحت لمستشفي من ضرب».  

مبيخدش حقي

وأختمت الزوجة لـ «تحيا مصر» : «لما رجعت من مستشفي قولت لجوزي علشان ياخد حقي منهم  يأما يطلقني رفض وضربني وقالي اعملي اللي أنتي عايزاة ..فلجأت الي محكمة الأسرة بمصر الجديدة لرفع دعوي خلع ضده،لأني مبقتش عايزة أعيش معاه ومبيخدش حقي».