زوج يقيم دعوى لـ بطلان عقد زواجه: اتجوزت قبلي ثلاث مرات عرفي

وأضاف الزوج في دعواه : "ضحكت عليا وخدعتني، واكتشفت انها اتجوزت قبلي ٣ مرات وما قلتش حاجه عن الموضوع ده .. اتجوزتها على أساس أنها محترمة، وإن أخلاقها عالية، وقررت أني أعيش معاها باقي حياتي فى هنا ونعيم ونعيش حياة سعيدة، بس الحقيقة كانت غير كده، واكتشفت أنها اتجوزت قبلي ثلاث مرات".

وتابع الزوج: "بعد شهر واحد من كتب كتابي عليها، اكتشفت أنها كانت متجوزه عرفي ٣ مرات ونصبت عليهم كلهم، فى الشبكة والمهر والجواز العرفي، وشكيت فيها أول لما طلبت مني شبكة بـ ٧٠ ألف جنيه، وعربية جديدة باسمها".

اقرأ أيضا: عاجل.. خروج الفنانة رجاء الجداوي من العناية المركزة

واستطرد الزوج أمام محكمة الأسرة: "اكتشفت التفاصيل من خلال خلاف مع صديقتها و٥ آلاف جنيه، عرفوني حقيقة اللي كانت مخبياها بخصوص أهلها اللي عمري ماشفتهم، وديما حجتها كانت إنهم متخانقين عشان مش عاوزني أتجوزك، صاحبتها اللي كانت بتجيبلها العرسان فهمتني إن الهانم نصابة، وإنها نصبت قبلي علي ٣ رجالة، فى المهر والشبكة بعقد زواج عرفي، وادعت إنها بكر بعكس حقيقتها البشعة... اكتشفت في النهاية أني قدام مصيبة كبيرة ونصباية تقيله ومش عارف أتصرف، ومكنش قدامي غير محكمة الأسرة عشان أرفع عليها قضية نصب ودعوى بطلان زواج".