عمرو أديب يوضح حقيقة تصريحاته عن المصريين فى الخارج "اللى مش عاجبه ميجيش"

قال الاعلامي عمرو اديب، مقدم برنامج الحكاية على فضائية ام بي سي، لست من الاعلاميين "اللى لما يقولوا حاجة يرجعوا فيها ويقعد يلملم علشان يرضى حد"، فى إشارة لتصريحاته الخاصة بعودة المصريين فى الخارج بسبب أزمة فيروس كورونا.

واضاف أديب، قنوات الأخوان واللجان الالكترونية عندهم تعليمات لتشويه عمرو أديب، مشيراً الى ان تشويه صورة مصر واقتصادها هو غرض الأخوان والقنوات الموالية لهم "بس انا مش بيهمني غير بلدي".

وحكى أديب، موقف لمجموعة من المصريين العائدين من الهند، وتم تسكينهم بأحد الفنادق بمدينة مرسي علم بالبحر الأحمر، قائلاً "الجماعة اول مادخلوا سألوا عن خدمة الانترنت، فكان رد الادارة مفيش واي فاي، بنوزع كروت انترنت على العملاء، فقاموا بالتهديد بتكسير الفندق لولا حضور الشرطة واخذ تعهدات بعدم التعرض للفندق والعاملين بها".

أقرأ ايضاً.. عمرو أديب لـ المصريين فى الخارج "اللى مضايق ميجيش.. هى دي ظروفنا"

وأكد الاعلامى عمرو أديب، انه لم يقصد الاساءة للمصريين العائدين من الخارج، ولكن كل ماطلبته "انهم يصبروا على الدولة بسبب الظروف، لان اللى حضل فجأة والدولة مكنتش مستعدة ومفيش دولة فى العالم كانت مستعدة، ياجماعة براحة على بلدكم، وانا عارف انه من حقك حاجات كتير بس والله الظروف صعبة نصبر شوية".