زينة تكشف مفاجآت عن الكازانوفا أحمد عز لأول مرة.. الفنانة زينة: طلبت منه يتبرع لاودى بالدم قالى يارب ترجعى من غيرهم.. كنت بثق فيه ثقة عمياء وطلب منى انزل الحمل.. وتنهار على الهواء: كنت بخاف انام مقومش

بعد غيابها عن اللقاءات التليفزيونية منذ أكثر من 10 سنوات، ظهرت زينة لأول مرة في صيافة الاعلامى عمرو اديب، على فضائية mbc مصر، لتكشف عن تفاصيل جديدة في رحلتها لإثبات نسب طفليها من الفنان أحمد عز، وكيف نجحت في اثبات حق طفليها بعد سنوات قضتها بمحكمة الأسرة.

كشفت الفنانة زينة، عن تفاصيل قضيتها مع طليقها الفنان احمد عز، قائلة: القصة بدأت لما اتجوزنا في 15 يونيه 2012.. وقتها احمد عز قالى انه وثق عقد جوزانا في القنصلية المصرية بأمريكا، وكنت واثقة فيه ثقة عمياء لدرجة أن مطلبتش نسخة من وثيقة الجواز بتاعتنا".

وتابعت زينة خلال لقائها مع الاعلامى عمرو اديب، على فضائية mbc مصر، قائلة: احمد كان كويس جدا معايا مكنتش أتوقع يحصل منه كده انا مقعدتش معاه من بعد اللى حصل ومعرفش هو عمل كل ده ليه، مضيفة: حملت بعد جوزانا علطول وطلب منى اسافر أمريكا عشان اولد هناك، ولما ولدت بدأت المشكلة".

وأكدت زينة: عشات أيام صعبة جدا بعد الولادة، ولادى كانوا هيموتوا منى كلمت أحمد وقتها وطلبت منه يجى يتبرع لولاده بدمه لان مكنتش اقدر اتبرعلهم بسبب الجرح، رد عليا وقالى مش هما دول اللى فضلتيهم عليا يارب ترجعى ايديك فاضية من غيرهم".

وأوضحت قائلة: من وقتها الموضع انتهى بالنسبة ليا احنا مسلمين وكنا متجوزين ودول عياله ازاى يتمنى أنهم يروحوا منى".

وحول اصعب الفترات في حياتها، أوضحت قائلة: بعد الولادة حسيت بصدمة بعد ما اولادى دخلوا الحضانة، كنت قاعدة على كرسى ورافضة استحمى او اغير على الجرح من كتر خوفى عليهم لدرجة أن الدكاترة افتكرونى مجنونة وعرضونى على دكتور نفسى".

وتابعت زينة: انا تظلمت ظلم محدش يتخيله.. مش عاوزة اهول بس انا أوقات كنت بخاف انام مقومش من كتر الزعل.. عشان كده بفضل صاحية عشان خايفة اموت واسيب اولادى، ورغم كل ده عمرى ما اشتكيت ".

وعن موقف أحمد عز ، بعد ما اكتشف حملها، أوضحت قائلة:كان فرحان بالحمل، وبعد كام يوم طالب منى انزل البيبى، لكن انا كنت مقررة ان مش هنزل الحمل وهكمل"، قائلة: احنا عمرنا ما اتفقنا اننا نأجل الحمل ولا اتكلمنا في الموضوع ده وجوازنا كان معلن وكنا عايشين في بيت واحد واصحابنا بيجولنا البيت".

وتابعت: اتفق معايا اولد في أمريكا عشان أكون بعيدة عن الأنظار في المقابل انه يصرف عليا، واعتزل الفن واتفرغ لتربية الأولاد، لكن اكتشفت انه سابنى عشان يسافر مع واحدة تانية".

وعن زينة الأم، كشفت قائلة الت الفنانة زينة:" بقيت بدور على اى شغل عاوزة اشتغل وبجرى على عيالى.. ونفسى اعيش عيالى فى مستوى كويس ومعنديش مصدر دخل تانى غير ده.. والمصاريف بتعتهم كبيرة.. وبدفع فلوس المدرسة وبعد كدة برفع قضية عشان اتحصل على الفلوس التى تم صرفها كل عام".

وأوضحت:" مبقتش اعمل زى زمان.. كنت زمان اشترى هدوم بكل الفلوس دلوقتى لو تخنت أخس تانى عشان اللبس اللى معايا" وعشان اصرف الفلوس على اولادى".