صابرين تنهار على الهواء: انا ست محترمة ارحموا من فى الأرض

انهارت الفنانة صابرين، من البكاء على الهواء مباشرة خلال مداخلة هاتفية مع الاعلامى عمرو أديب، بعد التعليقات السلبية التى انهالت عليها بعد نشر صورة لها بدون حجاب على حسابها الشخصى، قائلة: انا تعبت نفسيا وتعبت من السوشيال ميديا انا من امبارح بتشتم انا وولادى، ولادى ملهمش ذنب ان يتشتموا بسببى"، معلقة: ارحموا من فى الأرض يرحمكم من فى السماء".

وأكدت صابرين خلال مداخلة هاتفية على برنامج الحكاية: انابقيت اخاف انزل من بيتى اتعقدت وتعبت، والحجاب فرض بس انا جوايا تناقض ودى حاجه بينى وبين ربنا وهو اللى هيحاسبنى محدش هينزل القبر معايا ومحدش شافنى بصلى ولا بصوم"، واكدت :أنا فنانة محترمة ومربية ولادى احسن تربية".

وتابعت :ربنا رحيم مش هياحسبنى على حتة طرحة، وأنا مقلعتش الحجاب عشان شغل أنا كنت بشتغل ومكسرة الدنيا".