أسما شريف منير: وزني زاد بسبب أدوية الهلع.. ومش عايزة اعمل تكميم

كشفت أسما شريف منير عن سبب زيادتها في الوزن الفترة الأخيرة، وذلك من خلال لقاء لها ببرنامج et بالعربي.

سبب زيادة أسما شريف منير في الوزن

وقالت أسما شريف منير في تصريحاتها التي يرصدها موقع تحيا مصر: اتعرضت للتنمر وأنا دلوقتي تخنانة، أنا تخينة عشان باخد دواء عشان كان بيجيلي نوبات هلع وصرع، ومش قادرة أنزل من البيت من كتر الخوف.

وتابعت أسما شريف منير: أنا مش عايزة استسهل وأروح أعمل تكميم، مفيش أي اعتراض على التكميم لكن أنا عايزة أحافظ على أكلي ورياضتي خسيت شوية وبرجع أتخن تاني، والحقن مش هتنفع معايا لأني شايلة الغدة.

أسما شريف منير تستنكر خبر دخولها في قصة حب

وسبق وأن استنكرت المذيعة أسما شريف منير خبر يفيد بدخولها في علاقة عاطفية جديدة، بعد ظهورها بالمايوه، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

وكتبت أسما شريف منير في منشورها الذي يرصده موقع تحيا مصر: طيب ده خبر اتبعتلي لسه شايفاه محتاجة اتكلم عنه عشان بس أفهم الناس حاجة، أولاً أنا مظهرتش لا بمايوه ولا أي حاجة، لأني ببساطة مسفرتش اصلاً، أنا مسحولة في شغلي ولما سافرت في العيد ما نزلتش صورة بالميوه، بنقي الصور اللي ينفع تنزل ولا في أي صورة دايماً بحاول اخبي بأيدي نفسي حتي لما بلبس مايوه مش بنزل صور بيه فهما قرروا أنهم على حسابي يثيروا الجدل ويرجعوا الناس يقولوا أني بحب الترند وبثير أم الجدل، ولما كتبت أني لقيت اللي بدور عليه كان قصدي نفسي، أني لقيت نفسي، مش حب جديد لما ارتبط هقول لما احب مش هقول عشان ده میخصش حد.

أسما شريف منير: لما أحب مش هقول عشان دا ميخصش حد.. وطول الوقت عندي مشاكل مع أبويا بسبب أخباري

رد أسما شريف منير على الانتقادات الموجهة إليها بسبب تيشرت كوكاكولا

وعلى صعيد آخر، كانت قد حرصت أسما شريف منير على الرد بعد تزايد عدد الانتقادات التي تعرضت لها الساعات الماضية بسبب ارتدائها تيشرت عليه شعار كوكاكولا، وردت أسما شريف منير على انتقادات الجمهور التي تدور حول عدم دعمها لأهالي غزة وارتدائها تيشرت كوكاكولا على الرغم من حملة المقاطعة ضدها بسبب دعمها للاحتلال الإسرائيلي الذي تسبب في الخراب والدمار على الأراضي الفلسطينية، وقالت أسما شريف منير عبر حسابها الشخصي على موقع تبادل الصور والفيديوهات انستجرام وفقًا لما رصده موقع تحيا مصر: "كنت قاصدة البسه وشاطبة عليه وعاملة بوي كوت ومن ضهرها كمان..تحيا القضية الفلسطينية دائمًا وأبدًا".