مي كساب: بختار الاغاني اللي بقدمها بعناية.. وبعمل أغنية جديدة مع أوكا اسمها آه يا دماغي

تحدثت الفنانة مي كساب عن قلة أعمالها الغنائية، مشيرا إلى أنها تحب الغناء بشدة ولكن تحب أيضا اختيار الموضوعات الهامة والتي تضيف لها والأشخاص وأيضا الموضوعات المختلفة، وتعمل حاليا على أغنية جديدة رفقة زوجها مطرب المهرجانات أوكا.

مي كساب تكشف تفاصيل تعاونها مع زوجها أوكا 

وقالت مي كساب في تصريحات رصدها موقع تحيا مصر خلال لقاءها مع عرب وود: بحب أقدم موضوعات جديدة في الغناء مقدمتهاش قبل كدة وكل مواضيع الحب الناس عملتها.. وبيبقى فارق معايا أقدم حاجة محدش غناها قبل كدة وأغنيتي الجديدة مع أوكا اسمها آه يا دماغي وهي فكرة كوميدية عبارة عن اتنين متجوزين وبيشتكوا من بعض.

مي كساب تتحدث عن عدم مشاركتها في مسلسل العتاولة 2

وكانت قد تحدثت مي كساب في نفس اللقاء عن عدم مشاركتها في مسلسل العتاولة الموسم الثاني، مؤكدة أنها اتفقت مع مخرج العمل في آخر اسبوع من عرض المسلسل أنها لن تكون متواجدة في الموسم الثاني من مسلسل العتاولة، موضحة: انا قدمت كل حاجة في الجزء الاول ومعتقدش اني عندي حاجات تانية أقدر اقدمها في الموسم التاني شخصيتي انتهت في الموسم الاول.

وأكدت: شخصية عيشة ادت كل اللي عليها وأنا كممثلة عملت كل ألوان التمثيل في الدور دا ومفيش حاجة جديدة اقدر اقدمها في الجزء الثاني.

مي كساب تعلق على عدم مشاركتها في مسلسل العتاولة 2: مفيش حاجة جديدة اقدمها

خبر حزين وصادم.. مي كساب تنعي كابتن إيهاب جلال: كان نعم الأب والزوج والسند

آخر أغنيات مي كساب 

يذكر، ان آخر أغنيات مي كساب اتت بعنوان قطة وهي من كلمات وألحان عزيز الشافعى وتوزيع أمين نبيل، وشاركها فى التمثيل بالكليب مؤمن نور، والكليب من اخراج ميا المهدي، وتقول كلماتها: أنا مش عارفة أنا  ليه ماسكة في واحد  أنا أصلا مش واثقة  إن أنا لو غمضت عينيا  مش هيحب تلاتة عليا  معذور يا حرام مش قادر  عنده مرض من النوع النادر  كل ما تضحك واحدة في وشة  يغمى عليه ونجيب له نشادر  عمالة بعدي وأفوت  بس الموضوع ده يموت  إحنا بنكبر وبنعقل  والرجالة عقلها بيفوت  عمالة بعدي وأكبر  وبربي يا ربي وبكبر  ده أنا لو كنت أنيت قطة  يمكن كانت نفعت أكتر  قطة قطة.. بس يا قطة  قطة قطة.. لأ يا بطة  طيب هو الوضع الحالي  هيفضل بس لأمتى يا غالي  مش المفروض أنك تعقل  ولا أنا بسرح بخيالي  ما تركز في الناحية دي  وسيبك بقى من حادي وبادي  في حاجات حلوة على مزاجك  في شغل كبير على الهادي  عمالة بعدي وأفوت  بس الموضوع ده يموت  إحنا بنكبر وبنعقل  والرجالة عقلها بيفوت  عمالة بعدي وأكبر  وبربي يا ربي وبكبر  ده أنا لو كنت أنيت قطة  يمكن كانت نفعت أكتر  قطة قطة.. بس يا قطة  قطة قطة.. لأ يا بطة.