مروة صبري تهاجم والدة مسلم: بتفضحي ابنك عشان تريند.. كان ممكن تبعتيله رسالة

هاجمت الإعلامية مروة صبري والدة مطرب المهرجانات مسلم بعد تصريحات الأخيرة عن نجلها واتهامها له أنه تخلى عن والدته وأشقائه بعد الشهرة وأنه يتعامل معهم بأسلوب مهين، وأكدت مروة صبري خلال برنامجها قعدة ستات أن والدة مسلم تستغل نجلها وليس من الصحيح أن تتحدث عنه بهذا الشكل أمام جمهوره ومتابعينه، ونرصد فيما يأتي تصريحات مروة صبري عن والدة نسلم وتصريحات الأخيرة عن نجلها.

مروة صبري تهاجم والدة مسلم: بتستغلي شهرة ابنك.. كلميه بينك وبينه

علقت الإعلامية مروة صبري على أزمة مغني المهرجانات مسلم بعد حديث والدته عنه وذلك خلال برنامج قعدة ستات الذي تقدمه في إطار اجتماعي وتتناول من خلاله عدة موضوعات اجتماعية في مختلف المجالات، وهاجمت مروة صبري والدة مسلم مؤكدة أن ما فعلته وحديثها عن نجلها أمام جمهوره بهذا الشكل غير لائق، وقالت الإعلامية مروة صبري: “هل ينفع إن أنتي تطلعي تفضحي ابنك على كل المواقع، تفضحي ابنك اللي هو المفروض مشهور وليه جمهور والناس تعرفه أكثر حاجة بتضايقني فكرة إني استغل شهرة بني آدم وأطلع أتكلم”.

مروة صبري تهاجم مها أحمد: افصلوا عنها النت.. انتِ طالعة تهزقي الناس ليه؟

والدة مسلم: شحت عليه عشان أربيه وبعتلي يقولي غوري من حياتي

مروة صبري لوالدة مسلم: بتفضحي ابنك عشان تطلعي تريند؟

تابعت مروة صبري حديثها الذي يرصده موقع تحيا مصر: “الكلام ده ممكن يحصل من الغريب أو من أي حد عايز ياخد التريند فيطلع يتكلم عنه مفيش مشكلة، ولكن الأم تطلع تتكلم على ابنها وتتكلم عن تفاصيل وأسرار بينها وبين ابنها دا في حالة أنها صح طيب ما تكلميه في التليفون وتعاتبيه أو تبعتيله رسالة أو ابعتيله ابنك التاني وتقوليله أمك غضبانه عليك أحسن ما كنتي تخلي سيرته على كل لسان أحسن ما كنتي تطلعي ابنك تريند بالمنظر ده”.

والدة مسلم: قالي غوري من حياتي وشتم اخته عشان بت اسمها يارا بتبات معاه

كانت أحدثت والدة مطرب المهرجانات مسلم حالة من الجدل بسبب تصريحاتها في مقطع فيديو متداول عبر مختلف مواقع التواصل الاجتماعي الفترة الماضية، وأشارت والدة مسلم في الفيديو إلى معاملة نجلها معها ومع أشقائه مؤكدة على سوء معاملته لهم وأنه بعيد تمامًا عنهم ويرفض إعانتهم، وقالت والدة مسلم: “شحت عليه عشان اربيه وكل اللي فيه ده أنا السبب فيه وأما بقى نجم مش بيسأل فيا وبيشتم أخته عشان بت اسمها يارا بتبات معاه وبتلف معاه في الشوارع وبتقولي انا أبويا وأمي عارفين، ومصاحب واحد زبالة وأنا ابني صغير ماشي وراه بيجيب نسوان وحاجة مقرفة”.