بعد أداء عمرة لها.. بسنت صيام لسعاد حسني: مبسوطة من كمية الناس اللي اترحمت عليكي بسببي

أعربت الفنانة الشابة بسنت صيام عن سعادتها للدعوات التي تلقتها السندريلا سعاد حسني بعد منشور أداءها مناسك العمرة واهداءها لها، متمنية من أن الدعوات قد تكون وصلتها.

بسنت صيام توجه رسالة لسعاد حسني 

وقالت بسنت صيام في تصريحات رصدها موقع تحيا مصر عبر حسابه الرسمي بموقع تبادل الصور والفيديوهات انستجرام من خلال خاصية ستوري: أنا بجد مبسوطة من كمية الناس اللي اترحمت عليكي بسببي ويارب تكون دعواتهم وصلتلك.

وكانت الفنانة بسنت صيام قد أدت مناسك العمرة واهدتها إلى الفنانة سعاد حسني، حيث قالت ذلك من خلال منشور جاء به: وعدت ووفيت يا ست سعاد.. الحمد لله و ربنا يتقبل العمرة التانية اللي عملتها كانت لسعاد حسني وعد كنت وعدته من و أنا صغيرة ان اول ما ربنا يكتبلي عمرة هعملها واحدة.

بسنت صيام تهدي عمرة للفنانة سعاد حسني 

واستكملت بسنت صيام حديثها، قائلة: حبي ليها مش حب عادي اللي يعرفني عارف ان بيتي كله صورها عندي لبس و شنط و حاجات كتير عليها صورها.. أنا حبيت الفن منها و أنا صغيرة كنت عايزة أمثل عشان أمثل افلامها بس مش هو ده الحب أنا بحبها اللي هو ديماً بترحم عليها و ادعيلها و اقرالها قرآن و طول عمري شايفة اني معنديش هدية اكبر ولا احلى من العمرة اهديها بيها و الحاجة الوحيد اللي ممكن تكون هي محتاجاها و كمان هي معندهاش أولاد و للأسف على قد ما الناس كلها بتحبها الناس مبتفتكرش تترحم ولا تدعي للفنانين معرفش ليه.

وتابعت: أنا مكنتش ناوية اتكلم في الموضوع ده عشان دي حاجة بيني و بينها و بين ربنا بس بقالي شوية بضايق و بستغرب اوى ازاي الناس تكون بتحب فنان او فنانة اوى و يجروا عشان يتصوروا معاهم و في نفس الوقت يقطعوا فيهم و يشتموهم و يستحلوا الكلام في عرضهم كدة… بجد حاجة مخى مش فاهمها.

بسنت صيام تؤدي مناسك العمره وتهديها لسعاد حسني: معنديش هدية احلى من دي أهديها بيها

بعد تداول أخبار مرضه.. بسنت صيام تطمئن الجمهور على صحة والدها

آخر أعمال بسنت صيام 

يذكر، أن أخر أعمال بسنت صيام مشاركتها في مسرحية أنستونا إلى جانب كل من النجوم: دنيا سمير غانم، بيومي فؤاد، كريم عفيفي، سامي مغاوري، عمرو عبد العزيز، مريم السكري، وتأليف كريم سامي، أحمد عبد الوهاب، ومن إخراج خالد جلال الذي وصفته الفنانة دنيا "أنه شخص يحب الفن والمسرح جدا"، ومن إنتاج محمد أحمد السبكي.