طه دسوقي يكشف معاناته مع التنمر: واحد قريب مني كان بيقولي يا أكرة وبيضحك عليا
ADVERTISEMENT
تحدث الفنان طه دسوقي عن معاناته مع التنمر، مشيرا إلى أنه قابل شخص ما في مرحلة مهمة في حياته وكان يطلق عليه اسم "أكرة" وذلك بسبب أخذ جميع المواقف والاراء بحيادية مثل أكرة الابواب وكان دائما ما يسخر منه عندما يقول رأيه في اي شيء ويناديه "بأكرة".
طه دسوقي يكشف معاناته مع التنمر
وكتب طه دسوقي في منشور رصده موقع تحيا مصر عبر حسابه الرسمي بموقع التواصل الاجتماعي فيسبوك: كان فيه شخص قابلته في مرحلة مهمة في حياتي وكان قريب مني جدا، درجة القرب اللي بثق في كلامه عني وبفترض فيه حسن النية، وكان مطلع عليا وقتها اسم هزار كده الكلام ده قديم شوية قبل ما ده يتسمى تنمر، كان مسميني "أُكرة " سألته ليه قال لأني مبزعلش حد مني و طول الوقت حيادي كد، بين البينين يعني زي أكرة الباب بوصل بس من هنا لهنا.
وكل ما يشوف رأيي رايح ناحية الحيادية يقولي يا أكرة ونضحك وكده.
وأضاف: من ساعتها وانا دايما أحس بكسوف لما ألاقيني في موقف حيادي او واقف في النص واقول لنفسي بنفس النأرزة (ده انت صحيح عيل أكرة)، مع اني طول الوقت كنت كده .. عمري ما شجعت فريق معين .. عمري ما تشددت أوي تجاه شئ في المطلق دايما متقلب والنهاردة بحب ده بكره احب حاجة غيره.
طه دسوقي: مفيش صح مطلق ولا غلط مطلق وكل شيء وارد
واختتم طه دسوقي حديثه، قائلا: اكتشفت مع الوقت انها مش حاجة وحشة لان فعلا مفيش صح مطلق ومفيش غلط مطلق وكل شئ وارد ..ف إنك تقف في النص مش حاجة وحشة خالص والأكرة مهمة فشخ عامة لولاها مفيش ولا باب هيفتح .. يلا الحمدلله.
من ناحية أخرى، يحضر الفنان الشاب طه دسوقي في الفترة الحالية لفيلم سيكو سيكو إلى جانب الفنان الشاب عصام عمر من إخراج المخرج عمر المهندس، ومن تأليف محمد الدباح وإنتاج المتحدة للإنتاج السينمائي وفيلم سكوير والمنتج أحمد بدوي، وكان من المتوقع أن يتم عرضه نهاية هذا العام ولكن لم يتم الكشف عن اي تفاصيل جديدة عنه حتى الآن.
آخر أعمال طه دسوقي
وكان قد تألق طه دسوقي مؤخرا في مسلسل حالة خاصة والذي يتم عرضه في الفترة الحالية على شاشة قنوات سي بي سي بعد النجاح الكبير الذي حققه على منصة واتش لا الرقمية، حيث كان أولى بطولات طه دسوقي المطلقة.
جوجل نيوز
تطبيق نبض
