ياسمين عز: كرامتك فين بالمساكنة! متعبثيش بالدين وكلمينا عن آخر اعمالك أفضل

تحدثت الاعلامية ياسمين عز عن تصريحات إيناس الدغيدي المثيرة للجدل بشأن المساكنة والتي تكشف من خلالها تأيديها الكامل لها، ليس هذا فقط بل أعلنت أنها عاشت المساكنة رفقة زوجها أكثر من سنة، وهو الأمر الذي أغضب الكثير منها وشنوا حالة من الهجوم عليها.

ياسمين عز: المساكنة واحد مش عايز يتجوز واحدة قالها تعالي راحت 

وقالت ياسمين عز خلال برنامج كلام الناس المذاع على قناة mbc مصر في تصريحات رصدها موقع تحيا مصر: إزاي بتحللوا المساكنة من غير جواز؟ ومين اخترع الاسم ده، والمساكنة واحد مش عاوز يتجوز واحدة قالها تعالي أنتِ هتبقي مراتي صدقتوه وراحت، ده تعريف مؤدب وبسيط، هناك تعريف محترم في تعريف آخر قليل الأدب مش هقوله.

وأضافت: المساكنة قلة أدب، يعني اتنين مش متجوزين عايشين في بيت واحد مع بعض، ليه مكسوفين نقول معناها الحقيقي، ده مش عيب ده حرام وشتان بين العيب والحرام، وإهانة للمرأة، أين دينك، فين حقوقك؟ وكرامتك فين في موضوع المساكنة، أنا ذيكورست وبقولك ده تقليل من شأن المرأة.

ياسمين عز: الدين مفهوش وجهات نظر واللي معترض على كلامي يخبط دماغه في الحيطة

واستكملت ياسمين عز حديثها، قائلة: لا آراء في الدين والعقيدة ولا مساس بهم، المساكنة حرام، والدين مفيهوش آراء، إحنا في زمن بنقول يا رب استرنا والقيامة قربت، وأنا عمري ما اتكلمت عن الدين كل واحد يصلح نفسه، دين إيه اللي اديي فيه نصائح، الدين مفيهوش وجهات نظر ولا رأي، واللي معترض على كلامي وكلام ربنا فيه حيطة وتانية وتالتة.

واختتمت: الصلاة فريضة والحجاب فرض ورأيكِ في الصلاة احتفظي به لنفسك قدام مرايتك وانتي بتركبي رمش قد مش الجبل، احنا في زمن اللي ملتزم بدينه زي اللي قابض على جمرة من نار، سيبونا نعمل حاجة لله وآخرتنا، لا تعبثوا في الدين وكلمينا عن آخر أعمالك أفضل، واللي معترض على كلامي يخبط دماغه في الحيط.

ياسمين عز: عاملي الراجل كأنه بسبوسة.. ولو جوزك بيجري ورا الستات أفرحي لأنه رياضي

حبيت التمثيل من منى زكي.. ومبشوفش الراجل فرعون.. أبرز تصريحات نادين عصام مع ياسمين عز

ياسمين عز عن المدارس الخاصة: بتعملوا في أولياء الأمور كدة ليه 

وكانت قد بدأت ياسمين عز حلقتها في برنامج كلام الناس بالحديث عن المدارس الخاصة ومطالبها الكثيرة، حيث قالت: الراجل لسة بيفتح عينه المشمشية الحمصية يلاقي نفسه مطلوب منه بمليون جنيه سبلايز.. ليه عمل في حياته اي.. جوزك هيتحبس بديون السبلايز يا مدام، ولي الأمر دافع كل فلوسه مصاريف مدرسة مش لاقي يجيب علبة جبنة وانتو تطلبو مريلة وتر بروف وكوباية بلاستيك وجردل بحر.. ليه رايحين الساحل.

واختتمت حديثها: بيطلبوا من الأطفال في المدرسة مناديل مبللة وفوطة وشاور جل خدو الواد حموه.. متحموش عيالكم في البيت يستحموا في المدرسة أبوهم دافع.